«جالپى, 800-گە جۋىق وقۋلىققا ۇسىنىس كەلىپ ءتۇستى. ۇلتتىق كوميسسيا جانىنداعى ارنايى جۇمىس توبى ولاردى قاراپ, ساراپتاپ, اۋدارىلۋى ءتيىس وقۋلىقتاردىڭ كريتەريلەرىن شىعاردى. وقۋلىقتار سول تالاپتاردىڭ نەگىزىندە ىرىكتەلدى. 100 وقۋلىقتى اۋدارۋ جۇمىسى كەزەڭ-كەزەڭگە ءبولىندى. العاشقى جىلى 17 وقۋلىق, سودان كەيىن 30, ودان سوڭ 30, سوڭىندا قالعان 23 وقۋلىق اۋدارىلىپ, جوبا مارەسىنە جەتتى. ءبىز دۇنيە جۇزىندەگى اۋدارما ۇيىمدارىنىڭ جۇمىس ءتاسىلىن, تەحنولوگياسىن زەرتتەدىك. سونداي-اق, وقۋلىق شىعارۋمەن اينالىساتىن ۋنيۆەرسيتەتتەردىڭ جانىنداعى الدىڭعى قاتارلى باسپا ۇيلەرىمەن, حالىقارالىق ۇلكەن باسپا ۇيلەرىمەن بايلانىس ورناتتىق. رەداكتسيا القاسى قۇرىلىپ, ءار كىتاپقا جاۋاپتى عىلىمي رەداكتور, ادەبي رەداكتورلار تاڭدالدى», دەدى ۇلتتىق اۋدارما بيۋروسىنىڭ اتقارۋشى ديرەكتورى.
