مەملەكەتتىك دۋمانىڭ سەگىزىنشى شاقىرىلىمىنداعى دەپۋتاتتاردى سايلاۋداعى «ەدينايا روسسيا» پارتياسىنىڭ جەڭىسى جارقىن جانە سەنىمدى بولدى. مۇنى قازاقستاننىڭ Nur Otan جەتەكشى پارتياسىنىڭ توراعاسى نۇرسۇلتان نازارباەۆ «ەدينايا روسسيا» توراعاسى دميتري مەدۆەدەۆكە جولداعان حاتىندا اتاپ ءوتتى.
نۇرسۇلتان نازارباەۆ اتاپ وتكەندەي,«بيلەۋشى پارتياعا ءوز داۋىسىن بەرە وتىرىپ, رەسەي حالقى كەزەكتى رەت كۇشتى مەملەكەتتى ودان ءارى جاڭعىرتۋعا, جەدەل الەۋمەتتىك-ەكونوميكالىق دامۋعا, قاۋىپسىزدىكتى نىعايتۋعا جانە ەلدىڭ حالىقارالىق ارەناداعى ماڭىزدى ءرولىن ارتتىرۋعا باعىتتالعان ساياساتقا ءوزىنىڭ بەرىك قولداۋىن ءبىلدىردى».
ونىڭ ايتۋىنشا, «ەدينايا روسسيا» كانديداتتارى اشىق جانە باسەكەگە قابىلەتتى كۇرەستە كوپتەگەن ازاماتتاردىڭ سەنىم مانداتىن الدى.
«ەدينايا روسسيا» اتىنان بولاشاق شاقىرىلعان مەملەكەتتىك دۋمانىڭ دەپۋتاتتارى ءسىز باسقاراتىن پارتيانىڭ سايلاۋالدى باعدارلاماسىن ءتيىمدى جانە تولىق ىسكە اسىرۋ ءۇشىن قاجەت نارسەنىڭ ءبارىن جاسايدى», دەدى Nur Otan پارتياسىنىڭ توراعاسى.
17-19 قىركۇيەك ارالىعىندا مەملەكەتتىك دۋماعا سايلاۋمەن قاتار رەسەي فەدەراتسياسىنىڭ توعىز سۋبەكتىسىنىڭ باسشىلارى مەن 39 ايماقتىق پارلامەنتتىڭ تىكەلەي سايلاۋى ءوتتى.
رەسەي پرەزيدەنتى ۆلاديمير ءپۋتيننىڭ ۇسىنىسى بويىنشا فەدەرالدى ءتىزىمدى بەس ادام باسقاردى - قورعانىس ءمينيسترى سەرگەي شويگۋ, سىرتقى ىستەر ءمينيسترى سەرگەي لاۆروۆ, كوممۋناركاداعى اۋرۋحانانىڭ باس دارىگەرى دەنيس پروتسەنكو, ونف ورتالىق شتابىنىڭ تەڭ توراعاسى ەلەنا شمەلەۆا جانە رەسەي پرەزيدەنتى جانىنداعى بالا قۇقىعىن قورعاۋ جونىندەگى ۋاكىل اننا كۋزنەتسوۆا.
