«ورتاشا ەسەپپەن ءبىزدىڭ بولىمشەلەرىمىز كۇن سايىن ءارتۇرلى سيپاتتاعى توتەنشە جاعدايلاردى جويۋعا 100-150 رەت شىعادى. بيىلعى 8 ايدا ەلىمىزدە 7 مىڭنان استام ءورت وقيعاسى تىركەلدى. وندا مىڭنان استام ادام قۇتقارىلسا, 251 ادام قازا تاپتى. ەلىمىزدە ءورت سانىنىڭ 7,8%-عا ازايعانى بايقالادى», دەدى ماديەۆ.
ول اتاپ وتكەندەي, بۇل كورسەتكىشكە قاراماستان ورمان ورتتەرىنىڭ سانى ارتقان.
«تابيعي ورتتەردىڭ الدىن الۋ ءۇشىن ولاردى الدىن الۋ جانە جويۋ جونىندە ءىس-شارالار جوسپارى بەكىتىلدى. ءورت قاۋىپسىزدىكتى كەزەڭگە ازىرلىكتى تەرگەۋ بارىسىندا ءبىزدىڭ بولىمشەلەر پروفيلاكتيكالىق شارالاردى جۇرگىزەدى. وتكەن كەزەڭدە شامامەن 14 مىڭ پروفيلاكتيكالىق جۇمىس جۇرگىزىلدى. ونىڭ ىشىندە رۇقساتسىز جانۋ جانە اۋىل شارۋاشىلىعى القاپتارىندا باقىلاۋسىز قۇرعاق ءشوپتىڭ جانۋى ءۇشىن اكىمشىلىك جاۋاپكەرشىلىككە 3 مىڭنان استام تۇلعا تارتىلدى», دەدى تىلەۋبەردى ماديەۆ.
