ۇكىمەت • 21 قىركۇيەك، 2021

اسقار مامين جاڭعىرتۋ جونىندەگى ۇلتتىق كوميسسيانىڭ وتىرىسىن وتكىزدى

42 رەت كورسەتىلدى

قر پرەمەر-ءمينيسترى اسقار ءماميننىڭ توراعالىعىمەن قر پارلامەنتى ءماجىلىسىنىڭ توراعاسى نۇرلان نىعماتۋليننىڭ قاتىسۋىمەن جاڭعىرتۋ جونىندەگى ۇلتتىق كوميسسيانىڭ وتىرىسى ءوتتى، دەپ حابارلايدى Egemen.kz قر پرەمەر-ءمينيسترىنىڭ سايتىنا سىلتەمە جاساپ.

«قر تۇڭعىش پرەزيدەنتى – ەلباسى نۇرسۇلتان نازارباەۆتىڭ بەس ينستيتۋتسيونالدىق رەفورماسىن ىسكە اسىرۋ جونىندەگى 100 ناقتى قادام» ۇلت جوسپارىنىڭ جانە مەملەكەت باسشىسى قاسىم-جومارت توقاەۆتىڭ قازاقستان حالقىنا ارناعان جولداۋىنىڭ ورىندالۋ بارىسى قارالدى.

اتقارىلىپ جاتقان جۇمىستار تۋرالى ۇلتتىق ەكونوميكا ءمينيسترى اسەت ەرعاليەۆ، يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ، ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ، ەنەرگەتيكا ءمينيسترى ماعزۇم مىرزاعاليەۆ، تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين، دەنساۋلىق ساقتاۋ ءمينيسترى الەكسەي تسوي، ءبىلىم جانە عىلىم ءمينيسترى اسحات ايماعامبەتوۆ، ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى – احقو باسقارۋشىسى قايرات كەلىمبەتوۆ جانە ت. ب. باياندادى.

قازىرگى ۋاقىتتا ۇلت جوسپارىنىڭ 100 قادامىنىڭ 72-ءسى ىسكە اسىرىلدى: «كاسىبي مەملەكەتتىك اپپاراتتى قالىپتاستىرۋ» باعىتى بويىنشا 15 قادامنىڭ 13-ءى، «زاڭ ۇستەمدىگىن قامتاماسىز ەتۋ» باعىتى بويىنشا بارلىق 19 قادام، «يندۋستريالاندىرۋ جانە ەكونوميكالىق ءوسىم» بويىنشا 50 قادامنىڭ 27-ءسى، «بىرەگەيلىك جانە بىرلىك» باعىتى بويىنشا 6 قادامنىڭ 3-ءۋى، «ەسەپ بەرەتىن مەملەكەتتى قالىپتاستىرۋ» باعىتى بويىنشا بارلىعى 10 قادام جۇزەگە اسىرىلدى. بيىل «كاسىبي مەملەكەتتىك اپپاراتتى قالىپتاستىرۋ» مەن «يندۋستريالاندىرۋ جانە ەكونوميكالىق ءوسىم» باعىتتارى بويىنشا 9 قادامدى ورىنداۋ جوسپارلانعان.

وتىرىستا قۇرىلىس سالاسىنداعى جوبالارعا مەملەكەتتىك ساراپتامانى باسەكەلى ورتاعا بەرۋ، قاتتى پايدالى قازبالار مەن كومىرسۋتەك شيكىزاتى قورلارى بويىنشا ەسەپتىلىك ستاندارتتارىنىڭ حالىقارالىق جۇيەسىن ەنگىزۋ، تەحنولوگيالىق دامۋ ورتالىقتارىن قۇرۋ، ەىدۇ ستاندارتتارىنا سايكەس مونوپولياعا قارسى ورگاننىڭ قىزمەتىن ودان ءارى جەتىلدىرۋ، احقو جانە قر-داعى كاپيتال نارىقتارىن دامىتۋ ماسەلەلەرى قارالدى. 

بارلىق تىرەك جانە سەرىكتەس اۋىلدىق ەلدى مەكەندەردى فەلدشەرلىك-اكۋشەرلىك پۋنكتتەرمەن جانە دارىگەر امبۋلاتوريالارىمەن قامتاماسىز ەتۋگە، ستۋدەنتتەر جاتاقحانالارىن سالۋعا، مەملەكەتتىك ورگاندار مەن كۆازيمەملەكەتتىك سەكتوردىڭ دەرەكتەر بازاسىنىڭ ينتەگراتسيالانعان جۇيەسىن قۇرۋعا قاتىستى جۇمىس بارىسى تالقىلاندى. كاسىپكەرلىك قىزمەت سالاسىندا جاڭا رەتتەۋشىلىك ساياساتتى ەنگىزۋ ماسەلەلەرىنە ەرەكشە نازار اۋدارىلدى. ءتيىستى زاڭ جوباسىن ۇكىمەت ازىرلەپ، پارلامەنت ءماجىلىسىنىڭ قاراۋىنا جىبەردى. كاسىپكەرلىك قىزمەتتى رەتتەۋدەگى جاڭا تاسىلدەردى ىسكە اسىرۋ بيزنەسكە جۇكتەمەنى تۇبەگەيلى تۇردە ازايتۋعا جانە جاڭا ەكونوميكالىق شىنايىلىق جاعدايىندا ىسكەرلىك بەلسەندىلىكتى دامىتۋعا سەرپىن بەرۋگە جول اشادى. 

وتىرىس سوڭىندا پرەمەر-مينيستر «قر تۇڭعىش پرەزيدەنتى – ەلباسى نۇرسۇلتان نازارباەۆتىڭ بەس ينستيتۋتسيونالدىق رەفورماسىن ىسكە اسىرۋ جونىندەگى 100 ناقتى قادام» ۇلت جوسپارىن جانە مەملەكەت باسشىسى قاسىم-جومارت توقاەۆتىڭ قازاقستان حالقىنا جولداۋىن تولىق جانە ساپالى ورىنداۋ بويىنشا بەلسەندى جۇمىستى جالعاستىرۋدى تاپسىردى.

سوڭعى جاڭالىقتار

ەلوردا «قىزىل» ايماقتان شىقتى

كوروناۆيرۋس • بۇگىن، 09:22

الەم چەمپيوناتى باستالدى

سپورت • بۇگىن، 09:09

قۇندى ەرتوقىم

ەلوردا • بۇگىن، 09:05

تىڭ سەرپىلىس بايقالمايدى

سپورت • بۇگىن، 08:59

اسەرلى «ادەبيەت كۋرستارى»

وقيعا • بۇگىن، 08:54

تاۋەلسىزدىك تاعىلىمى

تاۋەلسىزدىكتىڭ 30 جىلدىعى • بۇگىن، 08:52

ون ءبىرىنشى پالاتا

مەديتسينا • بۇگىن، 08:45

جارقىننىڭ جاقسىلىعى

ايماقتار • بۇگىن، 08:39

تىلسىم كۇشپەن ءتىل تابىسقان

تاريح • بۇگىن، 08:36

قىلقالام ۇشىنداعى قۇدىرەت

ونەر • بۇگىن، 08:35

قازاقستان دالاسى قۇرعاپ بارادى

ەكولوگيا • بۇگىن، 07:55

قۇمعا سىڭگەن سۋداي سۋبسيديا

قوعام • بۇگىن، 07:49

دۇبىردەن تۋعان ولەڭ

ادەبيەت • بۇگىن، 07:39

كۇلكىنى ازايتساق قايتەدى؟

قوعام • بۇگىن، 07:39

جانى جايساڭ جاز-اتا

قوعام • كەشە

ۇقساس جاڭالىقتار