«وبلىس بويىنشا ءداندى داقىلداردى جيناۋ جۇمىسى اياقتالۋدا. 4,35 ملن گەكتارى نەمەسە 99,4 پايىزى باستىرىلدى. 2 ملن 924 مىڭ توننا استىق جينالدى. استىق قابىلداۋ كاسىپورىندارىنا كەلىپ تۇسكەن 334 مىڭ توننا بيدايدىڭ 96 پايىزى 3-سىنىپقا ساي كەلەدى, ساپاسى جوعارى. وبلىستا ءونىمدى ساقتاۋعا ارنالعان سىيىمدىلىق جەتكىلىكتى. 8,3 ملن تونناعا ارنالعان قويما بار. تۇتىنۋ نورمالارىنا سايكەس, وبلىس حالقىنا نان ونىمدەرىن ءوندىرۋ ءۇشىن ۇننىڭ جىلدىق قاجەتتىلىگى 22 مىڭ توننانى قۇرايدى. وسى ماقساتقا 31 500 توننا استىق وڭدەۋ قاجەت. وبلىس ۇنمەن تولىق قامتاماسىز ەتىلگەن», دەدى ءوڭىر باسشىسى.
ونىڭ اتاپ وتۋىنشە, قىسقى مال ازىعىنا 1 ملن 73 مىڭ توننا ءشوپ نەمەسە قاجەتتى كولەمنىڭ 99 پايىزى دايىندالدى. جۇمىس جالعاسىپ جاتىر.
«فورۆاردتىق ساتىپ الۋ بويىنشا شارۋاشىلىقتار ازىق-ت ۇلىك كوروپوراتسياسىنان 9 ملرد 900 ملن تەڭگە قاراجات الدى. بۇل سوماعا 194 مىڭ توننا اۋىل شارۋاشىلىعى ءونىمىن تاپسىرۋى ءتيىس. ۋاكىلەتتى استىق قابىلداۋ كاسىپورىندارىنا 38 مىڭ توننا نەمەسە 20 پايىزى جەتكىزىلدى. جۇمىس جالعاسۋدا. قازىرگى ۋاقىتتا تاۋار وندىرۋشىلەر كەلەسى جىلدىڭ دالا جۇمىسىنا دايىندىق جۇرگىزۋدە. قاجەتتى تۇقىم 530 مىڭ توننا كولەمىندە تولىق دايىندالدى», دەدى ارحيمەد مۇحامبەتوۆ.
