ەكونوميكا • 20 قىركۇيەك، 2021

قاراباتانعا پروپان جەتكىزبەك

41 رەت كورسەتىلدى

«قازمۇنايگاز» ۇلتتىق كومپانياسى مەن «تەڭىزشەۆرويل» سەرىك­­تەس­تىگى قاراباتانداعى پوليپروپيلەن وندىرەتىن زاۋىتقا تەڭىز كەن ورنىنان پروپان جەتكىزۋ تۋرالى كەلىسىمشارتقا وتىر­دى.

پوليپروپيلەن وندىرەتىن زاۋىت – ەلىمىزدە قولعا الىنعان ءىرى جو­با­لاردىڭ ءبىرى. كەشەن قۇ­رى­لى­سى قازاقستاننىڭ تۇڭعىش پرەزيدەنتى – ەلباسى نۇرسۇلتان نازار­باەۆتىڭ تاپسىرماسىمەن باستالعان بولاتىن. قازىرگى ۋا­قىت­تا زاۋىت 90 پايىزعا دايىن. وسى جىلدىڭ سوڭىنا دەيىن قۇ­رى­لىسى اياقتالادى دەپ كۇتىلۋدە.

قول قويىلعان قۇجاتقا سايكەس «تەڭىزشەۆرويل» جشس پوليپروپيلەن وندىرەتىن زاۋىتقا شيكىزات جەتكىزىپ تۇرادى. ونىڭ كولەمى جىل سايىن 550 مىڭ توننا پروپان فراكتسياسىن قۇرايدى. ال گاز جەتكىزۋ تەمىر جول ارقىلى جۇزەگە اسى­رىلادى. زاۋىتتا شيكىزات پرو­پاندى سۋتەكسىزدەندىرۋ قون­دىر­عىسىندا، پروپيلەن شىعارا وتى­رىپ وڭدەلەدى. ودان كەيىن پوليمەرلەۋ قوندىرعىسىندا دايىن ءونىم – تۇيىرشىكتەلگەن پوليپروپيلەن الىنادى.

– تەڭىز كەن ورنىنان پروپان الۋ ءىرى جوبانى ىسكە اسىرۋدا ۇلكەن ماڭىزعا يە. بيىل­دىڭ وزىندە سالىنىپ جات­قان گاز-حيميا كەشەنى شيكى­زات­تىڭ العاشقى پارتياسىن قابىلداپ الادى. زاماناۋي زاۋىت­تىڭ قۇرىلىسى اياقتالۋعا جا­قىن قالدى. 2022 جىلدىڭ ءبىرىن­شى توقسانىندا ءبىز ىسكە قوسۋ مەن رەتتەۋ جۇمىستارىن باس­تاۋ­دى جوسپارلاپ وتىرمىز. «قازمۇنايگاز» جانە «تە­ڭىز­شەۆ­رويل» كومپانيالارى ون جىل­دان بەرى تىعىز جۇمىس ىستەپ كە­لەدى. قول قويىلعان قۇجات  –ۇزاقمەرزىمدى ءارى تۇراقتى سەرىك­تەس­تىگىمىزدى ودان ءارى جالعاس­تى­را­تىنىمىزدىڭ ايقىن دالەلى، – دەيدى «قازمۇنايگاز» ۇك» اق باسقارما توراعاسى اليك ايدارباەۆ.

كەلىسىمشارتقا قول قويۋ راسى­مى­نە Chevron كورپو­را­تسيا­سى ەۋ­رازيالىق بيزنەس بولىمشەسىنىڭ باس­قارۋشى ديرەكتورى دجون بالتتس تا قاتىستى.

– بۇل – قازاقستان مۇناي-حي­ميا سالاسىن قولداۋ جونىن­دە­گى ءبىزدىڭ بىرلەسكەن كۇش-جى­گە­­رى­مىزدى نىعايتۋعا قىزمەت ەتەتىن «تەڭىزشەۆرويل» مەن «قازمۇنايگاز» اراسىنداعى سەرىك­­تەستىكتىڭ ماڭىزدى كەزەڭى. ءبىز قازاقستاننىڭ مۇناي-حيميا سالا­سىنىڭ بولاشاعىنا سەنىممەن قاراي­مىز. ەلدىڭ وندىرىستىك جانە ەكونوميكالىق دامۋىنا ودان ءارى ىقپال ەتەتىن جوبالار بويىنشا ەنەرگەتيكا مينيسترلىگىمەن جانە «قازمۇنايگازبەن» تىعىز ىنتى­ماقتاستىققا قۇرىل­عان جۇ­مىسىمىزدى جالعاس­تى­راتىن بو­لامىز، – دەيدى «تەڭىز­شەۆ­رويل­دىڭ» باس ديرەكتورى كەۆين لايون.

ەسكە سالا كەتەيىك، پوليپ­رو­پيلەن وندىرەتىن زاۋىت قازاق­ستان­داعى تولىقتاي تسيفر­لان­عان العاشقى كاسىپورىن بولماق. بۇل ءوز كەزەگىندە زاۋىتتاعى بارلىق پروتسەستى اتىراۋ قالاسىنان قاشىقتان باسقارۋعا مۇمكىندىك بە­رەدى. بارلىق فيزيكالىق جۇ­مىس­تى روبوتتار اتقارادى. ال پرو­­تسەستى «اقىلدى» تسيفرلى بەي­نەباقىلاۋ ارقىلى وپەراتورلار باسقارماق.

بۇدان بولەك، كاسىپورىندا سۋ ۇنەمدەۋ تەحنولوگيالارىنىڭ پايدالانىلاتىنىن اتاپ وتكەن ءجون. زاۋىتتا سۋدى سالقىن­دا­تۋدىڭ تۇيىق تسيكلى قولدا­نى­­لادى. ياعني بارلىق اعىن سۋ تازارتۋدان ءوتىپ، زاۋىتقا تۇز­سىز­داندىرىلعان، مينەرال­سىز­داندىرىلعان، ورتكە قارسى پايدالانىلاتىن سۋ تۇرىندە قاي­تا­رى­لادى. بۇل جالپى سۋدى پايدالانۋ كولەمىن ەداۋىر ازايتادى.

جوبانى ىسكە اسىرۋعا بارلى­عى 3 500 ادام جانە 100-گە جۋىق تەحنيكا جۇمىلدىرىلعان. كاسىپ­ورىن پايدالانۋعا بەرىلگەننەن كە­يىن 600-گە جۋىق جاڭا جۇمىس ورنى اشىلادى.

زاۋىت پوليپروپيلەنگە دەگەن ىشكى سۇرانىستى وتەپ قانا قويماي، ءوز ءونىمىن ەكسپورتقا دا شىعارماق. جالپى، زاۋىت وندىرەتىن ءونىم كەلەشەكتە قۇرى­لىس ماتەريالدارى ءوندىرىسى، اۆتو­موبيل ونەركاسىبى سياقتى ارا­لاس سالالاردىڭ دامۋىنا جانە جەر­گى­لىكتى قامتۋ ۇلەسىن ۇلعاي­تۋ­عا سەپتىگىن تيگىزبەك.

زاۋىت جىلىنا 550 مىڭ تون­ناعا دەيىن پوليپروپيلەن وندى­رۋگە مۇمكىندىك بەرەتىنىن اتاپ وتكەن ءجون. باستاپقى كەزەڭ­دە پوليپروپيلەننىڭ 11 ءتۇرى شى­عارىلادى دەپ جوسپارلانىپ وتىر. بولاشاقتا ءونىم ءتۇرى 65-كە دەيىن ۇلعايتىلادى. پوليپروپيلەن ماشينا جاساۋ، مەديتسينا سالاسىندا، ەلەكتر تەحنيكاسى، قۇبىر مەن تۇر­مىستىق تەحنيكا شىعارۋدا كەڭى­نەن قولدانىلادى. مىسالى، پو­ليپ­رو­پيلەننىڭ 500 مىڭ تونناسىنان 254 ملرد مەديتسينالىق بەتپەردە نەمەسە 3 145 شاقىرىم پوليپ­روپيلەن قۇبىرىن شىعا­رۋ­عا بولادى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار