ايماقتار • 19 قىركۇيەك، 2021

تۇركىستاندا «بۇل - ءبىزدىڭ تاۋلار» فەستيۆالى ءوتتى

95 رەت كورسەتىلدى

تۇركىستان وقۋشىلار سارايى مەن «Turkistan Tourism Center» ورتالىعى بىرلەسە «بۇل - ءبىزدىڭ تاۋلار» فەستيۆالىن ۇيىمداستىردى، دەپ جازادى Egemen.kz.

بۇل شارانىڭ ماقساتى – وقۋشىلارعا ايماقتاعى تاۋلى ولكەلەردى تانىستىرۋ، تابيعات قۇندىلىقتارىن ناسيحاتتاۋ، تاۋ ءتۋريزمىن دامىتۋ جانە تۇركىستان وبلىسىنىڭ جاڭا تۋريستىك باعىتتارىن تانىستىرۋ.

فەستيۆالعا تۇركىستان قالاسىنداعى 30 مەكتەپتەن ۇزدىك، بەلسەندى ءارى تالانتتى 30 وقۋشىسى جانە «وقۋشىلار سارايىنداعى» ۇيىرمەلەرگە قاتىسۋشى، كوپتەگەن رەسپۋبليكالىق جانە حالىقارالىق دودالاردا توپ جارىپ جۇرگەن دارىندى 20 وقۋشى قاتىستى. ولار 18-19 قىركۇيەك كۇندەرى سايرام-وگەم مەملەكەتتىك ۇلتتىق تابيعي پاركى جانە حانتاعى دەمالىس اۋماعىنا ساياحات جاساپ، ءتۇرلى قىزىقتى سايىستار مەن ويىندار ويناپ ۋاقىت وتكىزدى.

1
الدىمەن تۇركىستان قالاسىنان جولعا شىققان فەستيۆال قاتىسۋشىلارى سايرام-وگەم مەملەكەتتىك ۇلتتىق تابيعي پاركىنە باردى. وندا وقۋشىلار «بۇل - ءبىزدىڭ تاۋلار» تاقىرىبىندا سۋرەت سالۋدان سىنعا ءتۇستى. ودان كەيىن «درون ۇشىرۋ» بويىنشا بالالار وزدەرىنىڭ قابىلەتتەرىن كورسەتتى. سونىمەن قاتار ونەردەن الىس ەمەس بالالار ولەڭ، ەسسە جازىپ جانە ءان ايتىپ تا تالانتتارىن كورسەتىپ ۇيىمداستىرۋشىلاردىڭ جۇلدەلەرىنە يە بولدى.

ەكىنشى كۇنى حانتاعى دەمالىس اۋماعىنا بارعان بالالار كەدەرگىلەر ارقىلى تاۋ شىڭدارىن باعىندىردى. سونداي-اق پىكىرسايىس ۇيىمداستىرىپ، وزدەرىنىڭ جان-جاقتىلىقتارىن كورسەتە ءبىلدى.
وقۋشىلار سارايى ديرەكتورى ينديرا سارقىتقىزى: «بالالاردى تابيعاتقا ءجيى الىپ بارۋ، ولارعا قىزىقتى ساتتەر سىيلاۋ وتە پايدالى. مەن ءوزىم دە تاۋعا ءجيى شىعامىن. ادام تابيعاتپەن تىلدەسۋ ارقىلى جاڭا بەلەستەرگە كۇش-قۋات الادى. سونىمەن قاتار، بۇگىنگى شارا ەڭ ءبىرىنشى كەزەكتە بالالاردى تابيعاتتى ايالاۋعا ۇيرەتەرى ءسوزسىز» دەيدى.

ەسكە سالا كەتەيىك، اتالمىش فەستيۆالى 2001 جىلدان بەرى وتكىزىلىپ كەلەدى. جىل سايىن فەستيۆال قاتىسۋشىلارى اراسىندا ىشكى ءتۋريزمدى دامىتۋعا قىزىعۋشىلىق پەن تابيعاتتى قورعاۋعا دەگەن قۇلشىنىس ارتىپ كەلەدى.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار