ەلوردا • 18 قىركۇيەك، 2021

ساراپشىلار نۇر-سۇلتان قالاسىنىڭ دامۋ ستراتەگياسىن تالقىلادى

27 رەت كورسەتىلدى

بۇگىن «ەكسپەرت» جۋرنالىنىڭ «نۇر-سۇلتان: ۇلكەن ەۋرازيا ايماعىنداعى جاڭا ورتالىق» تاقىرىبىنداعى ارنايى شىعارىلىمىنىڭ ونلاين-تۇساۋكەسەرى ءوتتى، دەپ جازادى Egemen.kz.

جۇمىس بارىسىندا جۋرناليستەر قازاقستان استاناسى مەن باسقا دا جاھاندىق قالالاردىڭ پاندەميا جاعدايىندا دامۋ ستراتەگيالارى مەن تاكتيكالارىن قاراستىردى.

قازاقستاننىڭ رەسەيدەگى ەلشىسى ەرمەك كوشەرباەۆ بۇگىندە نۇر-سۇلتان ەۋرازيالىق كەڭىستىكتىڭ ورتالىعىنا اينالعانىن، ءتۇرلى فورۋمدار، كونگرەستەر، حالىقارالىق ماڭىزى بار باسقا دا ءىس-شارالار وتكىزىلەتىنىن، «استانا» حالىقارالىق قارجى ورتالىعى قۇرىلعانىن جانە ەلوردادا قارجى مەن ينۆەستيتسيا تارتۋ ورتالىعىنا اينالعانىن اتاپ ءوتتى.

«استانا» حقو باسشىسى قايرات كەلىمبەتوۆ ورتالىق ءۇشىن كەڭ پەرسپەكتيۆالار اشاتىن جاھاندانۋ مەن ايماقتانۋ، ەۋروپالىق وداق پەن قىتاي اراسىنداعى تابىستى ءوزارا ءىس-قيمىل ءۇشىن قازاقستاندا ينفراقۇرىلىمدى قۇرۋ، ءتيىمدى جانە سەنىمدى كولىك دالىزدەرى سياقتى بىرقاتار ترەند تۋرالى ايتىپ بەردى.

«استانا» حقو رەزيدەنتتەرىنىڭ ءبىرى Movchan's Group ينۆەستيتسيالىق كومپانياسىنىڭ سەرىكتەسى رافاەل ناگاپەتيانتس ورتالىقتىڭ ارتىقشىلىعى رەتىندە تۇسىنىكتى ينفراقۇرىلىمدى، بىلىكتى كادرلاردى جانە اعىلشىن قۇقىعىن اتادى.

«ەكسپەرت» جۋرنالىنىڭ شولۋشىسى، ارنايى شىعارىلىمنىڭ اۆتورلىق توبىنىڭ مۇشەسى تيحون سىسوەۆ نۇر-سۇلتان كەيسى XXI عاسىردىڭ ۇلكەن ترەندىنە سايكەس كەلەتىنىن، ول ءوز كەزەگىندە جاڭا قالا قۇرىلىسى جانە قارجىلىق شەشىمدەردى تالاپ ەتكەن حح عاسىردىڭ اسا كۇشتى جىلجۋلارىنىڭ سالدارىنان تۋىنداعانىن اتاپ ءوتتى.

رەسەي ساۋلەتشىلەر وداعىن اۋماقتىق دامىتۋ جونىندەگى ساراپشى، قالالىق جوسپارلاۋشى، ISOCARP مۇشەسى الەكساندر انتونوۆ نۇر-سۇلتاندا پوليورتالىق قۇرۋعا جانە تاريحي بولىگىن ساقتاي وتىرىپ، جاڭا اكىمشىلىك ورتالىق سالۋعا قول جەتكىزىلگەنىنە، مىسالى، ماسكەۋدە مۇمكىن بولماعانىنا نازار اۋداردى.

ساۋلەتشى، قالا جوسپارلاۋشى، قالالار مەن اگلومەراتسيالاردى دامىتۋ جونىندەگى فەدەرالدى ساراپشى يليا زاليۆۋحين قازاقستان استاناسىنىڭ تاجىريبەسىن بىرەگەي تاجىريبە دەپ اتادى، 20 جىل ىشىندە ونىڭ حالقى ميلليون ادامعا ءوستى.

«كەزدەسۋدى قورىتىندىلاي كەلە، قاتىسۋشىلار جاڭا قالانىڭ قۇرىلىسى ءاردايىم قاۋىپ-قاتەرمەن بايلانىستى ەكەنىن جانە بۇل تۇرعىدا نۇر-سۇلتان تابىستى ۇلگى ەكەنىن اتاپ ءوتتى. ولاردىڭ ايتۋىنشا، استانانىڭ دامۋىندا ەڭ زاماناۋي ادىستەر قولدانىلعان، ال الەمگە ايگىلى ساۋلەتشىلەردىڭ تارتىلۋى بۇكىل پلانەتانىڭ نازارىن اۋداردى. ساراپشىلار بۇگىندە نۇر-سۇلتان بارلىق باعىت بويىنشا تابىستى دامىپ كەلە جاتقانىن، ساياسي جانە ەكونوميكالىق تۇرعىدان العاندا، ءومىر سۇرۋگە وتە ىڭعايلى بولىپ وتىرعانىن اتاپ ءوتتى»، دەپ جازادى قازاقستاننىڭ رەسەيدەگى ەلشىلىگى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار