ۇكىمەت • 17 قىركۇيەك، 2021

اسقار مامين الماتى وبلىسىنداعى ەكونوميكانىڭ دامۋىن تەكسەردى

27 رەت كورسەتىلدى

قر پرەمەر-ءمينيسترى اسقار مامين الماتى وبلىسىنا جۇمىس ساپارى اياسىندا ءوڭىردىڭ اوك، كولىك-لوگيستيكا، فارماتسەۆتيكا، تۋريزم جانە باسقا دا ەكونوميكا سالالارىنىڭ دامۋىن تەكسەردى، سونداي-اق جاڭا ينۆەستيتسيالىق جوبالاردى ىسكە اسىرۋدى باستاپ بەردى، دەپ حابارلايدى Egemen.kz.

ىلە اۋدانىنىڭ «بەرەكە» يندۋستريالىق ايماعىندا ۇكىمەت باسشىسى «FRUIT ART» جشس ەكسپورتتىق جەمىس-جيدەك كلاستەرىنىڭ ينفراقۇرىلىمىن سالۋدى باستاپ بەردى. كاسىپورىنعا گاز ورتاسى رەتتەلەتىن، 15 مىڭ توننا ءونىم سىياتىن جەمىس ساقتاۋ قويماسى، تاۋلىگىنە 200 توننا شيكىزاتتى قايتا وڭدەۋ قۋاتى بار جەمىستەر مەن جيدەكتەردى سۋبليماتسيالىق كەپتىرۋ زاۋىتى، سونداي-اق 9 گا الاڭدا جىلىنا 1800 توننا قۇلپىناي جانە 900 توننا سالاتتى جىل بويى وسىرەتىن جىلىجاي كەشەنى كىرەدى.

ءبىرىنشى كەزەڭدە ينۆەستيتسيالاردىڭ جالپى كولەمى 34 ملرد تەڭگەنى قۇرايدى، ونى 2022 جىلى پايدالانۋعا بەرۋ كوزدەلگەن. ءونىمدى ءوندىرۋ جانە قايتا وڭدەۋ ەو جانە اقش ەلدەرىنىڭ يننوۆاتسيالىق تەحنولوگيالارى بويىنشا جۇزەگە اسىرىلاتىن بولادى. 500 تۇراقتى جانە 7 500 ماۋسىمدىق جۇمىس ورنى اشىلادى. جوبانى ىسكە اسىرۋ ەلدىڭ يمپورتقا تاۋەلدىلىگىن الما بويىنشا 5%-عا، جيدەكتەر بويىنشا 100%-عا تومەندەتۋگە جول اشادى.

ىشكى نارىققا جەتكىزۋمەن قاتار، كاسىپورىن ونىمدەرى شەتەلگە، ونىڭ ىشىندە ەۋروپالىق وداق ەلدەرىنە ەكسپورتتالاتىن بولادى. قاپشاعاي قالاسىندا ۇكىمەت باسشىسى تەڭىز بالىعىن وسىرەتىن «وسپانوۆا دەۆەلوپمەنت» جشس بالىق ونەركاسىبى كەشەنىن سالۋ جوباسىنىڭ ىسكە اسىرىلۋ بارىسىن تەكسەردى. جوبالىق قۋاتى جىلىنا 10 مىڭ تونناعا دەيىن بالىقتى قۇرايدى. جوبانىڭ قۇنى – 67،3 ملرد تەڭگە، ءبىرىنشى كەزەڭدى ىسكە اسىرۋ مەرزىمى – 2022 جىل.

پرەمەر-مينيسترگە الماتى وبلىسىندا 2025 جىلعا دەيىنگى كەزەڭگە ارنالعان قانت سالاسىن دامىتۋ جوسپارلارى تۋرالى باياندالدى. سۋارمالى جەرلەردى كەڭەيتۋ ەسەبىنەن قانت قىزىلشاسىنىڭ ەگىس الاڭدارى 3،3 ەسە 53 مىڭ گەكتارعا دەيىن ۇلعايتىلادى. سۋ ۇنەمدەۋ تەحنولوگيالارىن قولدانۋ جالپى ءونىم جيناۋ ءوسىمىن 3،6 ەسە 2 ملن تونناعا دەيىن قامتاماسىز ەتەدى.

ۇكىمەت باسشىسىنا جالپى حالىق سانى 220 مىڭ ادامدى قۇرايتىن الماتى قالاسىنىڭ ءتورت سەرىكتەس قالاسى قۇرىلىسىنىڭ جوباسى — «G4 City» تانىستىرىلدى. ءبىرىنشى كەزەڭدە 2370 گا اۋماقتا جوبالىق حالىق سانى 60 مىڭ ادامدى قۇرايتىن 1،4 ملن شارشى مەتر تۇرعىن ۇيمەن «Gate City» سالىنادى. پانفيلوۆ اۋدانىندا پرەمەر-مينيستر قازاقستان-قىتاي شەكاراسىنداعى «نۇر جولى» وتكىزۋ پۋنكتىندە بولىپ، «قورعاس – شىعىس قاقپاسى» اەا كولىكتىك جانە لوگيستيكالىق ينفراقۇرىلىمىنىڭ دامۋىمەن، قۇرعاق پورت وپەراتورىنىڭ قىزمەتىمەن، «قازپوشتا» اق بوند قويماسىنىڭ جۇمىسىمەن، سونداي-اق اەا-نىڭ پەرسپەكتيۆالىق ينۆەستيتسيالىق جوبالارىمەن تانىستى.

ا. مامين قۋاتى جىلىنا 60 مىڭ توننا جەم-ءشوپتى قۇرايتىن «SSA Feed Mills» قۇراما جەم زاۋىتىنىڭ وندىرىستىك جەلىسىنىڭ سالتاناتتى اشىلۋ راسىمىنە قاتىستى. جوبا قۇنى – 4،7 ملرد تەڭگە. ءونىمنىڭ 55%-ى ىشكى نارىققا باعىتتالادى، 45%-ى شەتەلگە ەكسپورتتالاتىن بولادى.

قاراساي اۋدانىنىڭ اباي اۋىلىندا پرەمەر-مينيستر يممۋنوبيولوگيالىق پرەپاراتتار شىعاراتىن «انتيگەن» عوك» جشس جوباسىمەن تانىستى. سونداي-اق كاسىپورىن الاڭىندا ايىنا «QazVaq» ۆاكتسيناسىنىڭ 1 ملن دوزاسىنا دەيىن قۇيۋ بويىنشا حالىقارالىق ستاندارتتارعا سايكەس كەلەتىن جەلى ۇيىمداستىرىلعان.

«كولساي كولدەرى» جانە «التىن ەمەل» مەملەكەتتىك ۇلتتىق تابيعي پاركتەرىن ارالاۋ بارىسىندا پرەمەر-مينيسترگە الماتى وبلىسىندا ءتۋريزمدى دامىتۋ شارالارى تۋرالى باياندالدى.

بيىلعى جىلدىڭ 8 ايىندا الماتى وبلىسىنىڭ ەكونوميكاسىنىڭ بارلىق نەگىزگى سالالارى بويىنشا ءوسىم، ونىڭ ىشىندە ونەركاسىپتە – 13،8%، اۋىل شارۋاشىلىعىندا – 1،1% ءوسىم قامتاماسىز ەتىلدى. قۇرىلىس جۇمىستارىنىڭ كولەمى وتكەن جىلدىڭ سايكەس كەزەڭىمەن سالىستىرعاندا 16،6%-عا ارتتى. 663،5 مىڭ شارشى مەتر تۇرعىن ءۇي پايدالانۋعا بەرىلدى. وڭىرگە 369،9 ملرد تەڭگە ينۆەستيتسيا تارتىلدى (+2،3%).

جۇمىس ساپارىنا الماتى وبلىسىنىڭ اكىمى اماندىق باتالوۆ، يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ، ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ، ەنەرگەتيكا ءمينيسترى ماعزۇم مىرزاعاليەۆ، دەنساۋلىق ساقتاۋ ءمينيسترى الەكسەي تسوي، «سامۇرىق-قازىنا» اق باسقارما توراعاسى الماسادام ساتقاليەۆ، «بايتەرەك» ۇبح» اق باسقارما توراعاسى ايدار ءارىپحانوۆ، اۋىل شارۋاشىلىعى ءبىرىنشى ۆيتسە-ءمينيسترى ايداربەك ساپاروۆ، مادەنيەت جانە سپورت ۆيتسە-ءمينيسترى عابيدوللا ءابدىراحىموۆ جانە ت. ب. قاتىستى.

سوڭعى جاڭالىقتار

ەكپە سالدىرۋدا بەلسەندىلىك بايقالادى

كوروناۆيرۋس • بۇگىن، 14:10

چارلو شايقاسقا شاقىرۋدان شارشامايدى

كاسىپقوي بوكس • بۇگىن، 13:27

ەلوردا «قىزىل» ايماقتان شىقتى

كوروناۆيرۋس • بۇگىن، 09:22

الەم چەمپيوناتى باستالدى

سپورت • بۇگىن، 09:09

قۇندى ەرتوقىم

ەلوردا • بۇگىن، 09:05

تىڭ سەرپىلىس بايقالمايدى

سپورت • بۇگىن، 08:59

اسەرلى «ادەبيەت كۋرستارى»

وقيعا • بۇگىن، 08:54

تاۋەلسىزدىك تاعىلىمى

تاۋەلسىزدىكتىڭ 30 جىلدىعى • بۇگىن، 08:52

ون ءبىرىنشى پالاتا

مەديتسينا • بۇگىن، 08:45

جارقىننىڭ جاقسىلىعى

ايماقتار • بۇگىن، 08:39

تىلسىم كۇشپەن ءتىل تابىسقان

تاريح • بۇگىن، 08:36

قىلقالام ۇشىنداعى قۇدىرەت

ونەر • بۇگىن، 08:35

قازاقستان دالاسى قۇرعاپ بارادى

ەكولوگيا • بۇگىن، 07:55

قۇمعا سىڭگەن سۋداي سۋبسيديا

قوعام • بۇگىن، 07:49

دۇبىردەن تۋعان ولەڭ

ادەبيەت • بۇگىن، 07:39

كۇلكىنى ازايتساق قايتەدى؟

قوعام • بۇگىن، 07:39

ۇقساس جاڭالىقتار