«مينيسترلىك «حالىق ۇنىنە قۇلاق اساتىن مەملەكەت» تۇجىرىمداماسى اياسىندا ەكولوگيالىق ماسەلەلەردى قوعاممەن, اسىرەسە ەكوبەلسەندىلەرمەن بىرلەسىپ شەشۋ جولىن كەڭىنەن قاراستىردى. جۇرتشىلىقپەن تالقىلاۋ ناتيجەسىندە اكىمدىك پەن باسقا دا قۇزىرلى ورگاندارمەن بىرلەسىپ ەكولوگيالىق پروبلەمالاردى شەشۋدىڭ 17 جول كارتاسى ازىرلەندى. ونىڭ اياسىندا 485 ءىس-شارا قاراستىرىلعان. بيىل سونىڭ 95-ءىن وتكىزۋ جوسپارلانىپ وتىر. بيىلعى جىلدىڭ 1 توقسانىندا 70 ءىس-شارا وتكىزۋ جوسپارلانىپ, ونىڭ 42-ءسى ورىندالدى جانە 28 ءىس-شارا ەندى قولعا الىنادى», دەدى ز.جولداسوۆ وكق-دە وتكەن بريفينگتە.
ونىڭ ايتۋىنشا, اتالعان جول كارتاسى اياسىندا جاسالعان جۇمىس 2025 جىلعا قاراي ناتيجە بەرە باستايدى.
«ەكولوگيالىق پروبلەمالاردى شەشۋ جول كارتاسىن ىسكە اسىرۋ 2025 جىلعا قاراي ەلىمىزدەگى 10 قالا اتموسفەراسىنىڭ لاستانۋ يندەكسىن جوعارى دەڭگەيدەن ورتاشا دەڭگەيگە دەيىن تومەندەتۋگە مۇمكىندىك بەرەدى. سول ارقىلى ءىرى قالالار اۋاسىنىڭ جاي-كۇيى جاقسارا تۇسەدى. ودان بولەك, قاتتى تۇرمىستىق قالدىقتارعا ارنالعان 7 جانە 24 جاڭا پوليگون سالۋ جوسپارىمىز بار. سول سياقتى 12 قاتتى تۇرمىستىق قالدىق پوليگونى قايتا جاڭعىرتىلادى», دەپ ناقتىلادى ول.
