وقيعا • 16 قىركۇيەك، 2021

ەلوردادا جول اپاتىنان كەيىن جاپپاي توبەلەس بولدى

37 رەت كورسەتىلدى

پوليتسيانىڭ 102 نومىرىنە ساعات 05:52-دە كەنەسارى-سەمبينوۆ كوشەلەرىنىڭ قيىلىسىندا جاس جىگىتتەردىڭ توبەلەسىپ جاتقانى تۋرالى حابارلاما تۇسكەن. وقيعا ورنىنا پوليتسيا جاساعى جىبەرىلدى، دەپ حابارلايدى Egemen.kz.

جانجالدىڭ جول اپاتى سالدارىنان بولعانى انىقتالعان. BMW كولىگىنىڭ 28 جاستاعى جۇرگىزۋشىسى سەمبينوۆ كوشەسىمەن كەلە جاتىپ، مانەۆر جاساعاندا جول بويىندا تۇراققا قويىلعان، 21 جاستاعى جىگىت مىنگەن «Toyota» كولىگىمەن سوقتىعىستى.

جول-كولىك اپاتىنىڭ قاتىسۋشىلارى وقيعا ورنىنا دوستارىن شاقىرا باستاعان. جينالعاندار اراسىندا جانجال شىعىپ، ارتى توبەلەسكە ۇلاستى. ونىڭ ءبىرى ەكى جاس جىگىتكە پىشاق سالعان.

اتالعان فاكتىمەن قىلمىستىق ءىس قوزعالدى. 29 جاستاعى كۇدىكتى نۇر-سۇلتان قالاسى پوليتسيا دەپارتامەنتىنىڭ ۋاقىتشا يزولياتورىنا قامالدى. كولىكتەر كوممۋنالدىق اۆتوتۇراققا قويىلدى.

نۇر-سۇلتان قالاسىنىڭ پوليتسيا دەپارتامەنتى جۇرگىزۋشىلەردى جول ءجۇرۋ ەرەجەلەرىن قاتاڭ ساقتاۋ تۋرالى ەسكەرتەدى.

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار