مالايزيادا پاندەميا باستالعاننان بەرى ينفەكتسيانىڭ 2 000 000-نان استام جاعدايى تىركەلدى. SARS-CoV-2 شتاممى «دەلتا» ۆيرۋسىنىڭ بۇكىل الەمدە تارالۋىنان كەيىن انىقتالعان فاكتىلەر سانى ەداۋىر ءوستى. وسىلايشا, 14 قىركۇيەكتە پاتشالىقتا COVID-19 تاسىمالداۋشىلارىنىڭ سانى 669-عا ارتىپ, 463 ناۋقاس قايتىس بولدى. كوروناۆيرۋس ينفەكتسياسىنىڭ راستالعان جاعدايى 2 011 440-قا جەتتى, 21 587 ادام قايتىس بولدى. قازىر 1 242 ناۋقاس رەانيماتسيا بولىمشەلەرىندە, 692 ادام ءوجج اپپاراتتارىنا قوسىلعان.
ۋكراينادا «دەلتا» شتامىنىڭ تارالۋى كوروناۆيرۋس ينفەكتسياسىنىڭ ورشۋىنە اكەلدى. تاۋلىكتە 4 640 جاڭا جاعدايى تىركەلدى. «كوروناۆيرۋس جۇقتىرعانداردىڭ 4 640 جاڭا راستالعان جاعدايى تىركەلدى. سونداي-اق, وتكەن تاۋلىكتە 1609 ادام اۋرۋحاناعا جاتقىزىلدى, 93 ادام قايتىس بولدى, 1 858 ادام ساۋىعىپ كەتتى», دەلىنگەن دەنساۋلىق ساقتاۋ مينيسترلىگىنىڭ حابارلاماسىندا. سوڭعى رەت ۋكراينادا انتيرەكورد 20 مامىردا تىركەلدى, سودان كەيىن كۆي-ءدىڭ 4 984 جاعدايى انىقتالدى. ەڭ الدىمەن, ينفەكتسيا كيەۆ پەن ودەسسا وبلىسىندا تارالادى. ۋكراينادا ىندەت باستالعاننان بەرى 2 325 796 COVID-19 فاكتىسى راستالدى, 54 550 ناۋقاس قايتىس بولدى.
«كيپر ارالىنىڭ گرەك بولىگىندە ەرەسەك تۇرعىنداردىڭ شامامەن 80%-ى COVID-19 ۆاكتسيناسىنىڭ كەم دەگەندە ءبىر دوزاسىن, ال 76%-ى ەكى دوزانى دا الدى», دەپ حابارلادى دەنساۋلىق ساقتاۋ ءمينيسترى ميحاليس حادزيپانتەلاس. ول قازان ايىنىڭ باسىندا حالىقتىڭ 80%-ى تولىق ەگىلەتىنىنە سەنىمدى. پاندەميا كەزىندە كيپردە كوروناۆيرۋس ينفەكتسياسىنىڭ 118 مىڭنان استام جاعدايى جانە ينفەكتسيانىڭ سالدارىنان 500-گە جۋىق كوز جۇمۋ دەرەكتەرى تىركەلدى.
دانيادان جاڭا زەلاندياعا Pfizer ۆاكتسيناسىنىڭ 250 000 دوزاسى كەلدى. پرەپارات اراب ەميرەيتس كومپانياسىنىڭ ۇشاعىمەن جەتكىزىلدى. بۇل جاڭا زەلانديانىڭ ەۋروپادان ساتىپ العان 500 000 ۆاكتسينا دوزاسىنىڭ العاشقى پارتياسى. پرەمەر-مينيستر دجاكيندا اردەرن بۇعان دەيىن دانيامەن جاسالعان كەلىسىم ۆاكتسيناعا دەگەن سۇرانىستى قاناعاتتاندىرۋى كەرەك جانە قىركۇيەككە دەيىن جەتكىلىكتى بولادى دەپ مالىمدەدى. ۆيرۋسقا قارسى پرەپاراتتىڭ كەلەسى پارتياسى قازان ايىندا كەلۋى كەرەك. ء«بىز دانياعا جاڭا زەلانديا تۇرعىندارىن «دەلتا» شتامىنان قورعاۋعا كومەكتەسەتىن ۆاكتسينالاردى بەرگەنى ءۇشىن وتە ريزامىز», دەدى اردەرن.
