دارىگەرلەردىڭ ايتۋىنشا, 15 قىركۇيەكتە ساعات 7.00 شاماسىندا جەدەل جاردەم ستانتسياسىنا قوڭىراۋ تۇسكەن. مىڭبۇلاق ىقشاماۋدانىنداعى اپاتتان زارداپ شەككەندەرگە مەديتسينالىق كومەك قاجەت بولعان.
«بارلىعى ءتورت ادام جاراقات الدى. ولاردىڭ بىرەۋى رەانيماتسياعا جاتقىزىلدى, قاجەتتى ەم جۇرگىزىلىپ جاتىر. وعان مي شايقالۋى, اياعىنىڭ ورتاڭعى ۇشتەن ءبىر بولىگىنىڭ جابىق سىنۋى جانە وڭ جاقتاعى ءتورتىنشى جانە بەسىنشى ساۋساقتاردىڭ اشىق سىنۋى, باسسۇيەك-تسەرەبرالدى جابىق جاراقاتى دياگنوزى قويىلعان.
تاعى ءبىر ادامعا العاشقى مەديتسينالىق كومەك كورسەتىلدى. ونىڭ باسى جارالانىپ, ميى شايقالعان. وعان ەمحانادا امبۋلاتورلىق ەم قابىلداۋ ۇسىنىلدى», دەدى جامبىل وبلىسىنىڭ دەنساۋلىق ساقتاۋ باسقارماسى وكىلدەرى.
