ايماقتار • 15 قىركۇيەك، 2021

پاۆلودار وبلىسىندا كوكەك انا ءۇش بالاسىنان ايىرىلماق

76 رەت كورسەتىلدى

پاۆلودار وبلىسىنىڭ اقسۋ قالاسىندا كوكەك انا ءۇش بالاسىن اسىراپ-باعۋ قۇقىعىنان ايىرىلماق، دەپ حابارلايدى Egemen.kz.

جەرگىلىكتى باق دەرەكتەرى بويىنشا، سابيلەر، ونىڭ ىشىندە ەكى ايلىق قىز سەگىز جاسار اعاسىنىڭ قامقورلىعىندا جالعىز قالادى.

كەزەكتى رەيد كەزىندە قالا پوليتسەيلەرى پاتەرلەردىڭ بىرىندە سەگىز، بەس جاس جانە ەكى ايلىق بالالاردىڭ بولعانىن انىقتادى.

پوليتسەيدىڭ سۇراعىنا ەسىك ارتىنان بالالاردىڭ ۇلكەنى جاۋاپ بەردى، ول اناسىنىڭ تاڭەرتەڭ كەتىپ، ولاردى كىلتتەپ تاستاعانىن ايتتى. بالالاردىڭ اتا-اناسىن تابۋ وڭايعا سوقپادى. ەسىكتى تجد قىزمەتكەرلەرى اشتى.

«بالالار اش، ءۇي شاشىراڭقى بولدى. توڭازىتقىشتا الكوگولدى ىشىمدىكتەن باسقا تاماق جوق. ەكى ايلىق قىزدى سەگىز جاسار اعاسى پاكەتتەگى سۇتپەن تاماقتاندىردى»، دەپ اتاپ ءوتتى پوليتسيا.

وتباسىنىڭ كورشىلەرى بالالار ۇيدە ءجيى جالعىز قالادى دەيدى. ناتيجەسىندە، بالالار قولداۋ ورتالىعىنا جەتكىزىلدى. ءتورت ساعاتتان كەيىن اناسى كەلىپ، وبلىس ورتالىعىندا جۇمىس ىستەپ جۇرگەنىن ايتتى.

ايتا كەتسەك، بالالاردىڭ اناسى مەن وگەي اكەلەرى بۇرىن سوتتالعانى انىقتالدى، ول اتا-انا مىندەتتەرىن ورىنداماعانى ءۇشىن بىرنەشە رەت اكىمشىلىك جاۋاپكەرشىلىككە تارتىلعان.

«قازىرگى ۋاقىتتا 34 جاستاعى ايەل قر اقبتك-ءنىڭ 127-بابى 2-بولىگى بويىنشا اكىمشىلىك جاۋاپكەرشىلىككە تارتىلىپ، ماتەريال سوتقا جولداندى»، دەپ ناقتىلادى ءتارتىپ ساقشىلارى.

 

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار