قازاقستان • 14 قىركۇيەك، 2021

كوممۋنالدىق قىزمەت قالتانى قاعا ما؟

95 رەت كورسەتىلدى

وسى جىلى جالاقى 19 پايىزعا ءوستى. ال كوممۋنالدىق قىزمەتتەر 3 پايىزعا قىمباتتاعان.

2021 جىلعى ەكىنشى توقسان­نىڭ قورىتىندىسى بويىنشا قازاقستانداعى ورتاشا ايلىق اتاۋ­لى جالاقى 251،5 مىڭ تەڭ­گە­نى قۇرادى. كورسەتكىش تۋرا ءبىر جىل بۇرىنعى جاعدايمەن سا­لىس­تىر­عاندا 18،6 پايىزعا جوعا­رى. ينفلياتسيانى ەسكەرسەك، جالا­قى­نىڭ ناقتى ءوسىمى 10،4 پايىزعا تەڭ.

ادەتتە جالاقى وسسە، كوممۋ­نالدىق قىزمەتتەر دە قىمبات­تاي­دى. بۇل جولى دا سولاي بولعان. اتاپ ايتقاندا، وسى جىلدىڭ ەكىن­شى توقسانىندا كوممۋنالدىق قىز­مەتتەر باعاسىنىڭ جىلدىق ءوسىمى 3،5 پايىزدى قۇراعان. ونىڭ ىشىندە ءتاريفى مەملەكەت تاراپىنان رەتتەلەتىن كوممۋنالدىق قىزمەتتەر 3 پايىزعا قىمباتتاعان. وسى ورايدا، ءبىرىنشى توقساندا كوم­مۋنالدىق قىزمەتتەر باعا­سى­نىڭ ءوسۋى 1،7 پا­يىز بولعانىن اتاپ وتكەن ءجون.

جالپى، 2021 جىلدىڭ ەكىنشى توقسانىندا تۇرعىن ءۇي قىزمەتتەرى، سۋ، ەلەكتر ەنەرگياسى، گاز جانە وتىننىڭ باسقا دا تۇرلەرىنە ارنالعان تاريفتەردىڭ جىلدىق ءوسىمىنىڭ جيىنتىعى 5،4 پايىزدى قۇرادى. مەملەكەت تاراپىنان رەتتەلەتىن كوممۋنالدىق قىزمەتتەردىڭ ىشىندە سۋىق سۋدىڭ ايتارلىقتاي قىمباتتاعانى باي­قا­لادى – باعا ءبىر جىلدىڭ ىشىندە 5،7 پايىزعا وسكەن. سونى­مەن قاتار گازدىڭ قۇنى 0،9 پايىزعا وسسە، جىلۋ 0،9 پايىزعا ارزانداعان.

ەندى مىنا قىزىقتى قا­ر­اڭىز. مەملەكەت تاراپىنان رەت­تەل­مەي­تىن تۇرعىن ءۇي قىز­مەت­تە­رىنىڭ ىشىندە قوقىس شىعارۋ باعاسى ءبىر جىل ىشىندە بىردەن 15،8 پايىزعا، دوموفون 3،3 پا­يىز­عا، تۇرعىن ءۇي ورىنجايلا­رى­نا قىزمەت كورسەتۋ جانە جون­دەۋ قىزمەتتەرى 7،3 پايىزعا قىم­بات­تا­عان.

ەسكە سالا كەتەيىك، 2021 جىل­­­دىڭ ءبىرىنشى توقسانىندا جالا­قىنىڭ ءوسىمى 15،2 پايىزدى قۇرادى. ينفلياتسيانى ەسكەرسەك، ءوسىم – 1،7 پايىز. ال تۇرعىن ءۇي قىزمەتتەرى، سۋ، ەلەكتر ەنەرگياسى، گاز جانە باسقا دا وتىن تۇرلەرىنىڭ باعاسى 3،6 پايىزعا تەڭ.

Finprom.kz-ءتىڭ حابارلاۋىنشا، تۇرعىن ءۇي جانە كوممۋنالدىق قىزمەتتەر ءتاريفىنىڭ جالپى ءوسىمى جالاقى وسىمىنەن اسىپ تۇسكەن ەمەس. ماسەلەن، ەكىنشى توقساندا جالاقىنىڭ ءوسۋى كوممۋنالدىق تاريفتەردىڭ وسىمىنەن 3،4 ەسە جوعارى بولدى. كورسەتكىش ءبىرىنشى توقساندا 4،2 ەسە ءوسىم كورسەتكەن ەدى.

ەستەرىڭىزدە بولسا، 2019 جىلى جانە كوروناداعدارىس باستالعان 2020 جىلدىڭ ءبىرىنشى جارتىسىندا، ياعني قاراپايىم حالىق ءۇشىن قيىن جاعداي قالىپتاسقان ۋاقىتتا تۇرعىن ءۇي جانە كوممۋنالدىق قىزمەتتەردىڭ ءتاريفى بارىنشا تومەندەتىلدى.

بايقاعانىمىزداي، كوممۋ­نالدىق تولەمدەردىڭ قازاقستان­دىق­تاردىڭ بيۋدجەتىنە دەگەن اسەرى شامالى. ونى مىنا ءبىر ستاتيستيكا دا راستاپ وتىر. وسى جىلدىڭ ءبىرىنشى توقسانىندا ەل تۇرعىندارىنىڭ شىعىندارى جان باسىنا شاققاندا ورتا ەسەپپەن 188،2 مىڭ تەڭگەنى قۇرادى. ونىڭ 174 مىڭ تەڭگەسى – تۇتىنۋشىلىق شىعىندار. بۇل جەردە اقىلى قىزمەتتەردىڭ ۇلەسى 33،5 مىڭ تەڭ­گە­نى قۇرايدى. ال كوممۋنالدىق قىزمەتتەرگە، تۇرعىن ءۇيدى كۇتىپ ۇستاۋ جانە جوندەۋ شىعىندارى نەبارى 12،5 مىڭ تەڭگەگە تەڭ. سوندا ايىنا 4 مىڭ تەڭگەدەن اسا قارجى جۇم­سايدى. ياعني كوممۋنالدىق تو­­لەمدەر تۇتىنۋشىلىق شى­عىن­­­داردىڭ نەبارى 7،2 پايىزىن، سونداي-اق ورتاشا ستاتيستيكالىق قا­زاق­ستاندىقتىڭ جالپى شىعى­نى­نىڭ 6،7 پايىزىن عانا الىپ وتىر.

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • كەشە

ۇقساس جاڭالىقتار