قازاقستان • 14 قىركۇيەك، 2021

قازاقستان بۇۇ ادام قۇقىقتارى جونىندەگى كەڭەسىنە سايلاۋعا قاتىسۋعا ءوتىنىم بەردى

27 رەت كورسەتىلدى

2021 جىلعى 7 قىركۇيەكتە جەنەۆادا، بۇۇ شتاب-پاتەرىندە ۇيىمعا مۇشە مەملەكەتتەردىڭ ديپلوماتيالىق وكىلدىكتەرىنىڭ قاتىسۋىمەن ۇلتتىق ءوتىنىمنىڭ تۇساۋكەسەرى ءوتتى، دەپ حابارلايدى Egemen.kz ادام قۇقىقتارى جونىندەگى ۋاكىلدىڭ ءباسپاسوز قىزمەتىنە سىلتەمە جاساپ.

كەڭەس قۇرامىنداعى 18 ورىنعا 2022-2024 جىلدارعا 18 ەل ۇمىتكەر بولىپ وتىر. ازيا-تىنىق مۇحيت ايماعى مەملەكەتتەرىنەن 5 ورىنعا ءۇندىستان، قازاقستان، كاتار، مالايزيا، بىرىككەن اراب امىرلىكتەرى سياقتى 5 ەل ءوتىنىم بەردى.

قازاقستاننىڭ ءوتىنىمىن قازاقستان رەسپۋبليكاسى پرەمەر-ءمينيسترىنىڭ ورىنباسارى - قر سىرتقى ىستەر ءمينيسترى م.تىلەۋبەردى ۇسىندى. ول ءىس-شاراعا قاتىسۋشىلاردى جۇرگىزىلىپ جاتقان ساياسي رەفورمالار، زاڭنامالىق باستامالار، سونداي-اق قۇقىقتىق جانە ادامگەرشىلىك باعىتتاعى مەملەكەتتىك مىندەتتەر مەن باسىمدىقتار تۋرالى حاباردار ەتتى.

قر ادام قۇقىقتارى جونىندەگى ۋاكىلى ەلۆيرا ءازىموۆا ءىس-شاراعا جەنەۆاداعى بۇۇ بولىمشەسى جانە باسقا دا حالىقارالىق ۇيىمدار بويىنشا قازاقستاننىڭ تۇراقتى وكىلدىگىنىڭ شاقىرۋىمەن ونلاين فورماتتا قاتىستى.

ە.ءازىموۆا داۋىس بەرۋشى ەلدەر وكىلدەرىنىڭ نازارىن كانديدات مەملەكەتتەردىڭ، اتاپ ايتقاندا قازاقستاننىڭ مىناداي ولشەمدەرىنە اۋداردى: ساياسي الەۋەتتىڭ ورنىقتىلىعى، بۇۇ-نىڭ جۇيەلى باستامالارىن ىلگەرىلەتۋ پەرسپەكتيۆاسى، قۇقىق قورعاۋ ينستيتۋتتارى مەن ازاماتتىق سەكتوردىڭ وڭىرلىك الەۋەتى، بۇۇ ينستيتۋتتارىمەن جانە ورگاندارىمەن بىرلەسىپ وڭىرلىك جانە حالىقارالىق جوبالاردا تەڭ ارىپتەستىكتىڭ ەلدىك الەۋەتى.

ادام قۇقىقتارى جونىندەگى ۋاكىل كەڭەسكە مۇشە بولۋ قازاقستاندى وڭىرلىك باستامالاردى ىلگەرىلەتۋگە عانا ەمەس، قابىلدانعان مىندەتتەمەلەردى ورىنداۋدىڭ ساپالى دەڭگەيىنە شىعارۋعا ىنتالاندىراتىنىن اتاپ ءوتتى.

بۇۇ ادام قۇقىقتارى جونىندەگى كەڭەسىنە سايلاۋ ناتيجەلەرى 2021 جىلدىڭ قازان ايىنىڭ ورتاسىندا بەلگىلى بولادى دەپ كۇتىلۋدە.

سوڭعى جاڭالىقتار

الماتىدا باقىلاۋ كۇشەيتىلدى

كوروناۆيرۋس • كەشە

تىلىكسىز وتا جاسالدى

مەديتسينا • كەشە

ۇقساس جاڭالىقتار