بۇل تۋرالى قوعامدىق دەنساۋلىق ساقتاۋ باسقارماسى مالىمدەدى.
«ۆاكتسيناتسيا پۋنكتتەرىن ارالاۋ كەزىندە ەكپە الۋ ءۇشىن وتباسى بولىپ كەلەتىندەردى بايقادىق. اتا-انالارى, باۋىرلارى, اپكەلەرى, ۇلكەن كىسىلەر. مۇنى كورىپ ءبىز تاڭ قالدىق, ويتكەنى بۇل ازاماتتاردىڭ ءوز دەنساۋلىعىنا, اسىرەسە بالالارىنا دەگەن الاڭداۋشىلىعى ارتۋىن بىلدىرەدى. وقۋ جىلى باستالدى, بۇل پروتسەدۋرانى كەيىنگە قالدىرۋعا بولمايدى. سەبەبى بالالار اراسىندا اۋرۋ پايدا بولا باستادى, اۋىر زارداپتارعا جول بەرمەۋ كەرەك. ارينە, بالالاردى مەكتەپكە تەك مۇعالىمدەردىڭ, وقىتۋشىلاردىڭ وزدەرى ەكپە العان كەزدە عانا جىبەرۋگە بولادى. بۇگىن نۇر-سۇلتان مەكتەپتەرىندە بۇكىل ۇجىم ۆاكتسيناتسيالاندى», دەيدى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا.
ۆەدومستۆو سونىمەن قاتار كۇزدىڭ باستالۋىمەن ماۋسىمدىق جۇقپالى اۋرۋلار سانى ارتىپ كەلە جاتقانىن اتاپ ءوتتى. سوندىقتان قازىر ءوزىڭىزدى قورعاۋ جانە ينفەكتسياعا قارسى ۆاكتسيناتسيالاۋ وتە ماڭىزدى.
«كوپشىلىك بىلەتىندەي, كۇزدە جرۆي, تۇماۋ اۋرۋى باستالادى. كۇزدە ءبىز بالالارعا الدىن-الۋ ءۇشىن مانتۋ جاسايمىز, ازاماتتاردى تۇماۋعا قارسى ۆاكتسيناتسيالايمىز, قازان ايىندا باسقا دا پروفيلاكتيكالىق تەكسەرۋلەر جۇرگىزىلەدى. ءوزىڭىزدى اۋرۋلاردان قورعاۋ ءۇشىن ەكپەنى ۋاقىتىلى الۋ كەرەك. تاجىريبە كورسەتكەندەي, باسقا جۇقپالى اۋرۋلار مىڭداعان ادامنىڭ ءومىرىن قيعان كۆي سياقتى قاۋىپتى ەمەس», دەپ اتاپ ءوتتى باسقارمادا.
