ءا.الدەنەي تەلەارنانىڭ بۇرىنعى باسشىسى قۇرمانبەك جۇماعاليدىڭ اتقارعان جۇمىسىن اتاپ ءوتتى. تەلەارنا ق. جۇماعاليدىڭ باسشىلىعىمەن 2020-2021 جىلدارى ەلىمىزدىڭ جەتەكشى تەلەارنالارىنىڭ توپ-4-ىنە ەندى. بيىلعى جىلدىڭ سەگىز ايىنىڭ قورىتىندىسى بويىنشا تەلەارنانىڭ ورتاشا ۇلەسى جالپى تەلەباعدارلامانىڭ 10%-ىن قۇرايدى. تەلەارنانىڭ ماتەريالدىق-تەحنيكالىق بازاسى جاڭارتىلدى.
«Nur Otan» پارتياسىنىڭ قولداۋىمەن 2020-2021 جىلدارى تاۋەلسىزدىكتىڭ 30 جىلدىعىنا وراي بىرقاتار تابىستى مەدياجوبالاردى ىسكە اسىردى. بۇل «تاۋەلسىزدىكتىڭ 7 قىرى» فيلمدەر توپتاماسى, «بىت پەرۆىم», «بەز پراۆا نا وشيبكۋ», ء«ومىر-داستان» روليكتەرى, «يز پەرۆىح ۋست» ينتەراكتيۆتى باعدارلاماسى, «قازاقستان» مۋزىكالىق كليپى. تەلەجوبالاردا تاۋەلسىزدىكتىڭ 30 جىلى ىشىندە قازاقستاننىڭ قالىپتاسۋىنداعى تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆتىڭ تاريحي ءرولىن اشۋعا ەرەكشە نازار اۋدارىلعان.
ءا. الدەنەي «استانا» تەلەارناسىنىڭ جاڭا باسشىسى ءازيزحان ءابىلدينوۆتى تانىستىرا وتىرىپ, ونىڭ 2017 جىلدان باستاپ «Nur Media» حولدينگىندە باق ماسەلەلەرىمەن اينالىسقانىن اتاپ ءوتتى. سونىمەن قاتار قر پرەزيدەنتى اكىمشىلىگىندە, ورتالىق جانە جەرگىلىكتى مەملەكەتتىك ورگانداردا جۇمىس ىستەگەنىن ايتتى. ونىڭ تىكەلەي قاتىسۋىمەن «Nur Media» حولدينگىندە بىرقاتار ينتەرنەت جوبالار قۇرىلدى.
«Nur Otan» پارتياسىنىڭ حاتشىسى قازىرگى تاڭدا «اSTANA» تەلەارناسىنا ماڭىزدى مىندەتتەر قويىلىپ وتىرعانىن ايتتى. تەلەارنانىڭ جوعارى رەيتىنگىن, قارجىلىق كورسەتكىشتەرىن جانە تابىستىلىعىن ساقتاپ قالۋ قاجەت. «Nur Otan» پارتياسىنىڭ جانە مەملەكەتتىك ساياساتتىڭ باسىمدى باعىتتارىن ءتيىمدى ناسيحاتتاۋدى قامتاماسىز ەتۋ. تەلەارنانىڭ جاڭالىقتارى وزەكتى جانە حالىقتىڭ شىنايى پروبلەمالارىن كورسەتۋى كەرەك. مۇنىڭ ءبارى جاڭا باسشىنىڭ مەنەدجەمەنتتىك تيىمدىلىگىنىڭ كورسەتكىشى بولماق.
