پىكىر • 14 قىركۇيەك، 2021

ۇستانىمى بەرىكتىڭ ۇپايى تۇگەل

35 رەت كورسەتىلدى

مەملەكەت باسشىسىنىڭ جولداۋىن تىڭداي وتىرىپ، ءبىزدىڭ ەلدىڭ بەرەكە-بىرلىكتى تەمىر­قازىق قىلىپ تاڭداپ العان باعىت-باعدارى­نىڭ دۇرىستىعىنا تاعى ءبىر مارتە كوز جەتكىزدىم.

ءبىز – ونداعان ۇلت پەن ۇلىستىڭ بالاسى ءبىر شاڭى­راقتىڭ استىندا تاتۋ-ءتاتتى ءومىر ءسۇرىپ جات­قان ءبىرتۇتاس حالىقپىز. مۇمكىن، ءومىردىڭ كەيبىر قالتا­رىسىندا تۇرمىستىق دەڭگەيدەگى كيكىلجىڭدەر بولىپ جاتاتىن شىعار. بىراق ءبىزدىڭ ورتاق وتانىمىزدا  بىرەۋ­دىڭ ۇلتى­نا، تىلىنە باعىتتالعان كەمسى­تۋشىلىككە قاساقانا بارۋ وقي­عا­لارى كەزدەسكەن ەمەس. كەزدەسكەن كۇن­نىڭ وزىندە بىزدەگى ازاماتتىق قوعام مۇنداي سىڭارەزۋلىكتى قولدا­ماق تۇگىل، قا­بىل­داماس تا ەدى.

پرەزيدەنت: «بىرلىگىمىز – ءار الۋان­دىقتا» دەگەن قاعيدامىز ەشقاشاندا وزگەرمەيدى»، دەدى. بۇگىنگى بەيبىت ءومىردىڭ قادىرىن ۇققان حالقىمىز بۇل ۇستانىمدى بارىنشا قولدايدى دەگەن سەنىمدەمىن. 

اينالامىزعا زەر سالا قارار بولساق، بولماشى ۇشقىننان بوي بەرمەي كەتەتىن وت شىعاتىنىن اڭدار ەدىك. وسىنىڭ ءوزى-اق ەتنوستار اراسىن­داعى، دىندەر اراسىنداعى تاتۋلىقتىڭ قان­شالىقتى قۇندى جانە قاستەرلى ەكەنىن كورسەتەدى. ولاي بولسا، ءبىز «تاۋلاردى الاسارتپاي، دالانى اسقاقتاتاتىن» دانا ساياسات ۇستانۋعا قۇمبىل بولۋىمىز كەرەك.

ءيا، قازاق ءتىلى – مەملەكەتتىك ءتىل. پرەزيدەنتتىڭ: «بولاشاعىن وتانى­مىزبەن بايلانىستىراتىن ازامات قازاق ءتىلىن ءبىلۋى قاجەت»، دەۋى دە بۇل باعىتتاعى ساياساتىمىزدىڭ قانداي ەكەنىن ايقىنداپ-اق تۇر.

بۇگىندە پاندەميانىڭ ءبىزدى ۇلكەن سىناققا سالىپ وتىرعانى بەلگىلى. بۇل ىندەتكە توسقاۋىلدى قوياتىن بىر­دەن-ءبىر امال – ۆاكتسينا سالدىرۋ. پرە­زيدەنت ءوزىنىڭ جولداۋىندا ۆاكتسينا سالدىرۋعا قارسى شىققانداردىڭ اينالاسىنا زيانىن تيگىزەتىنىن وتە ورىندى ايتتى. ەكپە الۋ ءوز الدىنا، ءدال قازىرگى ۋاقىتتا ءبىزدىڭ ازامات­تارىمىزدىڭ ءتاجتاجالدىڭ تارا­لۋىنا توي-تومالاق پەن كوپ ادام­نىڭ باسى قوسىلاتىن ءتۇرلى وتباسى­لىق جيىن­داردىڭ تىكەلەي اسەر ەتە­تىنىن تۇسى­نەتىن ۋاقىتى جەتتى. وتانداس­تا­رى­­مىز ەل ىشىندە ويران سالعان ىندەت­­پەن سانالى تۇردە كۇرەسپەسە، جاع­داي­دىڭ وڭالا قوياتىن ءتۇرى كورىنبەيدى.

كەلەشەگىمىزگە تىكەلەي قاۋىپ ءتون­دىرىپ وتىرعان قاتەرلى دەرتپەن ءبىر كىسى­­دەي جۇمىلا كۇرەسە بىلسەك، جول­داۋ­دا اي­تىلعان جاقسى باستا­ما، يگى قادام­دار­دىڭ – جالاقى مول­شەرى­نىڭ ارت­قا­نىن، باسپانا الۋدا­عى جەڭىل­دىك­تەر­دىڭ، جا­ڭا­­شىل رەفورما­لاردىڭ، باسقا دا وڭ وز­گەرىس­تەردىڭ جەمىسىن بىرگە كورۋ بۇيىرار ەدى دەپ نىق سەنىممەن ايتا الامىن.

 

بەكزات التىنبەكوۆ،

قازاقستان حالقى قاراعاندى وبلىستىق اسسامبلەياسى توراعاسىنىڭ ورىنباسارى، وبلىستىق ءماسليحات دەپۋتاتى

 

سوڭعى جاڭالىقتار

اقتوبەدە كارانتين جەڭىلدەدى

كوروناۆيرۋس • بۇگىن، 16:15

9 سۋ قويماسى سالىنادى

ەكولوگيا • كەشە

ۇقساس جاڭالىقتار