سپورت • 13 قىركۇيەك، 2021

مەدۆەدەۆتىڭ مەرەيى ۇستەم بولدى

29 رەت كورسەتىلدى

تەننيستەن اقش-تىڭ اشىق بىرىنشىلىگى ءوز مارەسىنە جەتتى. ەرلەر سايىسىندا رەسەيدىڭ سايىپقىرانى دانيل مەدۆەدەۆكە تەڭ كەلەر ەشكىم تابىلمادى، دەپ حابارلايدى Egemen.kz.

اقتىق سىندا ول نوۆاك دجوكوۆيچپەن كۇش سىناستى. الەمدىك رەيتينگتە نوۆاك كوش باستاپ تۇرسا، دانيل ەكىنشى ورىندى يەلەنۋدە. دەسەك تە 34 جاستاعى سەربيالىق ساڭلاقتىڭ قارسىلاسىنا قاراعاندا اتاعى الدەقايدا زور. دجوكوۆيچ «ۇلكەن دۋلىعا» ساناتىنداعى تۋرنيرلەردى باقانداي 20 رەت ۇتقان. ارينە، 25 جاستاعى مەدۆەدەۆ ونداي تولاعاي تابىسىمەن ماقتانا المايدى. وسىنداي ءىرى دودانىڭ باس جۇلدەسى بىردە-ءبىر رەت وعان بۇيىرعان جوق. وسى جولى دانيل سول ولقىلىقتىڭ ورنىن تولتىردى. 2 ساعات 15 مينۋتكە سوزىلعان باسەكەدە ول ايگىلى قارسىلاسىن 6:4، 6:4، 6:4 ەسەبىمەن قاپى قالدىردى.

وسىلايشا، ءبىراز ۋاقىتتان بەرى مونتە-كارلودا تۇرىپ جاتقان ماسكەۋدىڭ تۋماسى سپورتتىق مانسابىنداعى ەڭ زور تابىسىنا قول جەتكىزدى. بۇعان دەيىن ول اقش پەن اۋستراليانىڭ اشىق بىرىنشىلىكتەرىندە فينالعا دەيىن جەتكەن ەدى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار