«وتاندىق ەكىنشى سۋببىرلىكتى ۆاكتسينا كلينيكالىق سىناقتىڭ ءبىرىنشى مەرزىمى اياقتالدى. وعان 44 ادام قاتىستى. ەكىنشى كەزەڭگە 200 ادام جيناقتالىپ جاتىر. قازىر 130 ادامعا تالداۋلار وتكىزىلىپ, تەكسەرىلىپ, ۆاكتسينا سالىندى. قالعان 70 ادامدى زەرتتەۋ ۇستىندەمىز. زەرتتەۋدەن دۇرىس وتكەن جاعدايدا ەرىكتىلەرگە دە ۆاكتسينا ەگەمىز», دەدى حاميت مىرزاقاسىموۆ.
سونداي-اق جاڭا ۆاكتسينانىنىڭ كلينيكالىق زەرتتەۋىنە اۋدانداردان ەرىكتىلەر دە قامتىلىپتى.
«باسقا اۋدانداردان ەرىكتىلەردى اكەلگەنىمىز راس. قورداي جانە باسقا اۋدانداردان كەلدى. ولار تارازداعى كوپبەيىندى اۋرۋحانانىڭ بازاسىندا تەكسەرىستەن وتەدى. بازانىڭ ءوز زەرتحاناسى بار. تەكسەرۋلەر 6 ايعا سوزىلادى. ەرىكتىلەردىڭ كەلىسىمىمەن 6 اي ىشىندە ولار كەستەگە سايكەس تالداۋ تاپسىرۋعا, تەكسەرىلۋگە كەلىپ تۇرادى», دەپ اتاپ ءوتتى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى.
