بيلل گەيتس كۆي-گە قارسى ءدارى ءوندىرىسىن قارجىلاندىردى

كەلىسىمشارت قۇنى 70 ميلليون دوللارعا دەيىن جەتۋى مۇمكىن. اقشا ورنىنا قور Exscientia-نىڭ ۇلەسىن الادى, دەپ حابارلايدى Lenta.ru.

سونىمەن قاتار, «الىنعان قاراجاتتىڭ ءبىر بولىگى COVID-19 ەمدەۋگە جانە بولاشاقتا پاندەميانىڭ الدىن الۋعا ارنالعان جاڭا انتيۆيرۋستىق تابلەتكالار جاساۋعا جۇمسالادى دەپ بولجانىپ وتىر. بۇل گەيتستىڭ فيرماعا ەكىنشى اقشالاي سالىمى», دەپ جازادى CNBC.

كومپانيا كوروناۆيرۋستى, اسىرەسە COVID-19, سونداي-اق تۇماۋ مەن جانۋارلاردان ادامعا جۇعىپ, تىنىس جولدارىنىڭ اۋرۋىن تۋدىراتىن Nipah ۆيرۋسىن ەمدەۋمەن اينالىسادى. ستارتاپ جاساندى ينتەللەكت كوروناۆيرۋسقا قارسى ءدارى-دارمەك شىعارۋ ۋاقىتىن 20 پايىزعا قىسقارتاتىنىن مالىمدەدى.

«اعىمداعى COVID-19 پاندەمياسى ءبىزدىڭ ۆيرۋس پەن ولاردىڭ شتاممدارىنا قارسى ارسەنالىمىزدى كەڭەيتۋ ءۇشىن قاۋىپسىز جانە ءتيىمدى كەڭ سپەكترلى پرەپارات ازىرلەۋدىڭ وزەكتىلىگىن كورسەتەدى», دەپ تۇيىندەدى Exscientia باس ديرەكتورى ەندريۋ حوپكينس.

Exscientia بۇعان دەيىن جاپوندىق Sumitomo Dainippon Pharma ءدارى-دارمەك وندىرۋشىسىمەن بىرلەسىپ, پسيحيكالىق اۋرۋلاردى ەمدەۋگە ارنالعان ەكى ءدارى شىعاردى.