جەدەل-ىزدەستىرۋ ءىس-شارالارى بارىسىندا جامبىل وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى مويىنقۇم اۋىلىنان 5 شاقىرىم جەردە شۋ قالاسىنىڭ 31 جاستاعى تۇرعىنىن ۇستادى, ءتىنتۋ جۇمىستارى بارىسىندا جالپى سالماعى 4,7 كگ «گاشيش» ەسىرتكى زاتى تابىلدى.
«ۇستالعان ازامات كىناسىن مويىنداپ, شۋ قالاسىنىڭ ۋۇي-نە قامالدى. قازاقستان رەسپۋبليكاسى قىلمىستىق كودەكسىنىڭ 297-بابى 3-بولىگى «ەسىرتكى زاتتاردى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ, جونەلتۋ نەمەسە وتكىزۋ» بويىنشا سوتقا دەيىنگى تەرگەۋ باستالدى», دەدى جامبىل وبلىسى پد ۋپن باستىعى اسقار جۇمابەكوۆ.
