«كەدەندىك ينفراقۇرىلىمداردى, ياعني, جوسپارلانعان 10 وتكىزۋ پۋنكتىن جاڭعىرتۋ كولىك قوزعالىسىن 2-دەن 6 جولاققا دەيىن كەڭەيتۋ جوسپاردا. تاۋلىگىنە وتكىزۋ قابىلەتى 8 ەسە ارتادى. شەكارادان ءوتۋ ۋاقىتى 30 مينۋتقا دەيىن قىسقارادى. كولىك قۇرالدارىنىڭ توقتاۋسىز قوزعالىسى ءۇشىن تەحنيكالىق باقىلاۋدىڭ بىرىڭعاي تولاسسىز اۆتوماتتاندىرىلعان دالىزدەرىن پايدالانۋ ەسەبىنەن كولىك قۇرالى قوزعالىسىنىڭ بۇكىل تسيكلى اۆتوماتتاندىرىلاتىن بولادى», دەدى ول ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
توراعا ورىنباسارىنىڭ ايتۋىنشا, بۇگىنگى كۇنى ناقتى ۋاقىت رەجيمىندە مارشرۋتتى قاداعالاۋ ءۇشىن ناۆيگاتسيالىق پلومبالار قولدانىلۋدا. ەلەكتروندى كەزەك جۇيەسىنىڭ تاجىريبەسى «نۇر جولى» وتكىزۋ پۋنكتىندەگى كەزەكتى الدىن الا برونداۋ باسقا دا وتكىزۋ پۋنكتەرىنە قولدانىلادى. اتالعان ءىس-شارالاردىڭ ناتيجەسىندە جالعان ترانزيت ۇلەسىن 2019 جىلعى 28 پايىزدان بيىل 1,3 پايىزعا دەيىن تومەندەتۋگە قول جەتكىزىلدى.
«وسى جىلدىڭ باسىنان باستاپ جالعان الۋشىلاردىڭ مەكەنجايىنا تاۋارلاردى اكەلۋدىڭ بارلىعى 177 فاكتىسى انىقتالدى. وتكەن جىلدارى وسىنداي 11 مىڭ فاكت انىقتالعان بولاتىن. قابىلدانىپ جاتقان ءىس-شارالار وسى جىلى ەاەو يمپورتتالاتىن تاۋارلار بويىنشا ققس تۇسىمدەرىنىڭ ءوسۋ قارقىنىن وتكەن جىلمەن سالىستىرعاندا 136 پايىزعا نەمەسە 149 ملرد تەڭگەگە ارتىق قامتاماسىز ەتتى», دەپ ناقتىلادى جايدار ىڭكارباەۆ.
