«1986 جىلى الەمدىك الپاۋىتقا اينالىپ تۇرعان قاھارلى كەڭەس يمپەرياسىنان تەڭدىك سۇراپ, ازاتتىق ءۇشىن الاڭعا شىققان كوتەرىلىسكە بيىل 35 جىل. جەتپىس جىلدىق تاس بۇعاۋ دا جىگەرىن جاسىتا الماعان, ۇلتتىق نامىسىن تۇنشىقتىرا الماعان قازاق جاستارى الاڭعا شىققان كۇن - تاۋەلسىز ەل ءۇشىن ەڭ قاستەرلى كۇندەردىڭ ءبىرى بولۋى ءتيىس! قازاق جاستارى قىلىشىنان قان تامعان كەڭەس يمپەرياسى كەزىندە الاڭعا نان ءۇشىن شىققان جوق, نامىس ءۇشىن شىقتى! پۇل سۇراپ شىققان جوق, ءتىل سۇراپ شىقتى!», دەدى دەپۋتات قازىبەك يسا.
سونىمەن قاتار دەپۋتات جەلتوقسان وقيعاسى قۇرباندارىنا «حالىق قاھارمانى» اتاعىن بەرۋ ماسەلەسىن دە كوتەردى.
«رەسەي 1991 جىلعى 19 تامىزدا ماسكەۋدە بولعان گكچپ ب ۇلىگىندە توپالاڭدا تانكىنىڭ استىنا ءتۇسىپ قالعان ءۇش ادامعا «رەسەي باتىرى» اتاعىن بەردى. بىزدە نەگە ەل تاۋەلسىزدىگى جولىنداعى ناعىز كوتەرىلىستە مەرت بولعان ءلاززات اسانوۆا, ەربول سىپاتاەۆ, ءسابيرا مۇحامەدجانوۆالارعا «حالىق قاھارمانى» اتاعىن بەرمەسكە؟», دەدى دەپۋتات.
