قازاقستان • 06 قىركۇيەك، 2021

ارمي-2021: قازاقستان قانشا مەدال جەڭىپ الدى؟

107 رەت كورسەتىلدى

ون ءبىر مەملەكەتتىڭ اۋماعىندا جەتىنشى ارميالىق حالىقارالىق ويىندار اياقتالدى. ويىن باعدارلاماسىنا دالالىق، اۋە جانە تەڭىز ماشىعى بويىنشا 34 كونكۋرس ەنگىزىلىپ، 40-تان استام ەلدىڭ اسكەري قىزمەتشىلەرى قاتىستى، دەپ حابارلايدى Egemen.kz قر قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ. 

جارىس ءبىر مەزگىلدە 23 پوليگوندا جانە ءۇش تەڭىز اكۆاتورياسىندا ءوتتى. قازاقستاندىق اسكەري قىزمەتشىلەر ون ءبىر بايقاۋعا قاتىستى، ولاردىڭ ەكەۋى ءبىزدىڭ ەلىمىزدە وتكىزىلدى.

«ماتىبۇلاق» پوليگونىندا «سۇڭقار اۋلاۋ» بايقاۋىنا بەلارۋس، يران، قازاقستان جانە رەسەي اسكەري قىزمەتشىلەرى قاتىستى. قاتىسۋشىلار اۋە بارلاۋىن جۇرگىزۋ، بەرىلگەن ماقساتتاردى ىزدەۋ، ۇشقىشسىز ۇشۋ اپپاراتتارىنا قىزمەت كورسەتۋ جانە ولاردى ۇشۋعا دايىنداۋ بويىنشا جارىستى، سونداي-اق وزدەرىنىڭ اتۋ شەبەرلىكتەرىن كورسەتتى. ءبىرىنشى ورىندى قازاقستان، ەكىنشى ورىندى بەلارۋس، ءۇشىنشى ورىندى رەسەي يەلەندى.

سونداي-اق «ارتيللەريالىق اتىس شەبەرلەرى» بايقاۋىنا ءازىربايجان، بەلارۋس، ۆەتنام، يران، قازاقستان، رەسەي، سيريا، تاجىكستان جانە وزبەكستاننان مينومەت جاساقتارى قاتىستى. ءۇش بايقاۋ كەزەڭى بارىسىندا اسكەري قىزمەتشىلەر جاۋىنگەرلىك تاپسىرمالاردى ورىنداۋ جىلدامدىعى مەن دالدىگىندە جارىستى. ولار جەكە جارىستا جانە تۇنگى سپرينتتە جارىسىپ، فينالدىق ەستافەتاداعى جەڭىس ءۇشىن كۇرەستى. ءبىرىنشى ورىندى قازاقستان، ەكىنشى ورىندى رەسەي، ءۇشىنشى ورىندى ءازىربايجان يەلەندى.

1

ريازاندا «دەسانتتىق ۆزۆود» بايقاۋى ءوتتى. جارىسقا ىرىكتەۋ كەزەڭدەرىنەن وتكەن دەسانتتىق-شابۋىلداۋ اسكەرلەرى بولىمشەلەرىنىڭ اسكەري قىزمەتشىلەرى قاتىستى. قاتىسۋشىلار ۆزۆود قۇرامىندا مارش-لاقتىردى، جاۋىنگەرلىك ماشينالاردا جارىسىپ، قويان-قولتىق ۇرىسقا ءتۇستى. ءبىرىنشى ورىندى رەسەي كومانداسى، ەكىنشى ورىندى قازاقستان مەن قىتاي اسكەري قىزمەتشىلەرى ءبولىستى، ءۇشىنشى ورىندى بەلارۋس كومانداسى يەلەندى.

«تاكتيكالىق اتقىش» بايقاۋىندا ارنايى ماقساتتاعى بولىمشەلەردىڭ اسكەري قىزمەتشىلەرى عيماراتتاعى، باتپاقتى جەردەگى جانە ورمانداعى ۇرىسقا ۇقسايتىن ءارتۇرلى جاعدايلاردا مىندەتتەردى ورىندادى، سونداي-اق جاۋىنگەرلىك قوس جانە تورتەۋى قۇرامىندا ماقساتتاردى ءدال جويۋ بويىنشا سايىسقا ءتۇستى. ارميالىق حالىقارالىق ويىنداردىڭ جاڭا بايقاۋىنىڭ جەڭىمپازى رەسەي كومانداسى بولدى، ەكىنشى ورىندى قىتاي يەلەندى، ال ۇزدىك ۇشتىكتى قازاقستان تۇيىقتادى.

تىۆاداعى «ات مارافونىنا» قازاقستاندىق تاۋ-قورىقشىلىق پولكىنىڭ اسكەري قىزمەتشىلەرى قاتىستى. قازاقستاندىق اسكەري شاباندوزدار بايقاۋدىڭ بارلىق كەزەڭدەرىن ابىرويمەن ەڭسەردى. قاتىسۋشىلار ءارتۇرلى تاپسىرمالار مەن كەدەرگىلەرمەن ءجۇز شاقىرىمنان اساتىن قيىن جولدى ەڭسەرۋگە ءماجبۇر بولعان كەزدە ۇلكەن قاشىقتىقتاعى مارافون ناعىز سىناق بولدى. جالپى كوماندالىق ەسەپتە ءبىرىنشى ورىندى رەسەيلىك كوماندا جەڭىپ الدى. ەكىنشى ورىندى موڭعوليا مەن وزبەكستان كوماندالارى يەلەندى. ءۇشىنشى ورىنعا قازاقستاندىق كوماندا تۇراقتادى.

2

ارمەنيانىڭ ديليجان قالاسىندا «بەيبىتشىلىك جاۋىنگەرى» بايقاۋى وتكىزىلدى. ءبىزدىڭ ەلدەن قاتىسۋ ءۇشىن كەلىسىمشارت بويىنشا ۇزدىك اسكەري قىزمەتشىلەر ىرىكتەلدى. بايقاۋعا كاسىبي جارىستار، سونداي-اق قاتىسۋشىلارعا وزدەرىنىڭ شىعارماشىلىق قابىلەتتەرى مەن كوكجيەكتەرىن كورسەتۋ قاجەت كەزەڭدەر كىردى. بايقاۋ قورىتىندىسى بويىنشا ءبىرىنشى ورىندى ارمەنيا كومانداسى، ەكىنشى ورىندى رەسەي، ءۇشىنشى ورىندى قازاقستان يەلەندى.

«مادەنيەت ارمياسى» بايقاۋى ماسكەۋ ماڭىنداعى پاتريوت ساياباعىندا ءوتتى. وندا ءبىزدىڭ ەلىمىزدى ۇلتتىق اسكەري-پاتريوتتىق ورتالىقتىڭ شىعارماشىلىق ۇجىمى مەن قارۋلى كۇشتەردىڭ اسكەري-تاريحي مۋزەيىنىڭ قىزمەتكەرلەرى تانىستىردى. بارلىعى جيىرما ەلدىڭ كوماندالارى قاتىستى. بايقاۋدا ءبىرىنشى ورىندى رەسەي، ەكىنشى ورىندى قىتاي، ءۇشىنشى ورىندى قازاقستان مەن بەلارۋس ءوزارا ءبولىستى.

اسكەري پوليتسەيلەر سەربياداعى ء«تارتىپ ساقشىسى» بايقاۋى بارىسىندا كاسىبي شەبەرلىك تانىتتى. وعان يران، قازاقستان، كاتار، كيپر، رەسەي جانە سەربيا كوماندالارى قاتىستى. جارىستار جەكە جانە كوماندالىق كەزەڭدەردى قامتىدى. سوڭعى جانە ەڭ قيىن سىناق «باتىرلار جارىسى» بولدى. ۇزىندىعى ون ەكى شاقىرىمدىق كەدەرگىلەر بولدى، وندا قاتىسۋشىلار ءارتۇرلى قيىندىقتاعى كەدەرگىلەردى كۇتتى. بايقاۋدىڭ جەڭىمپازى سەربيا قۇراماسى بولدى، ەكىنشى ورىندى رەسەي، ءۇشىنشى ورىندى قازاقستان يەلەندى.

3

قازاقستاننىڭ «ەلبرۋس شىعىرشىعىنا» تاۋ-كەن دايىنداۋ ورتالىعىنىڭ اسكەري الپينيستەرى قاتىستى. جارىس كاباردينو-بالكارياداعى «تەرسكول» پوليگونىندا ءوتتى. بايقاۋ بىرنەشە ارنايى مىندەتتەردەن تۇردى، ولاردىڭ بارىسىندا قاتىسۋشىلار جەكە ورمەلەۋدە جانە بايلامداردا جارىستى، جاساندى تاۋ رەلەفىنە شابۋىل جاسادى، تاۋلى جەرلەردە باعدارلاۋدى پىسىقتادى، تاۋلاردا وق جاۋدىردى، تاۋ وزەنى ارقىلى ءوتتى جانە ەلبرۋسقا كوتەرىلدى. جارىسقا ابحازيا، ارمەنيا، ءۇندىستان، قازاقستان، قىتاي، پاكىستان، وزبەكستان، رەسەي جانە وڭتۇستىك وسەتيادان كەلگەن كوماندالار قاتىستى. بايقاۋدا ءبىرىنشى ورىندى رەسەي، ەكىنشى ورىندى وزبەكستان، ءۇشىنشى ورىندى قازاقستان يەلەندى.

يراندا وتكەن «تەڭىز كۋبوگى» سۋ ءۇستى كەمەلەرى ەكيپاجدارىنىڭ جارىستارىندا قازاقستاندىق اسكەري تەڭىزشىلەر ءازىربايجان، يران جانە رەسەي وكىلدەرىمەن جارىستى. قاتىسۋشىلار كەمەنى زاكىرگە جانە ارتقى بوشكەگە قويۋدا تەڭىز ماشىعىن كورسەتتى، ارتيللەريالىق اتىستاردى ورىندادى، اۋە جانە تەڭىز نىسانالارىن سوقتى. بايقاۋ قورىتىندىسى بويىنشا يراننىڭ اسكەري تەڭىزشىلەرى ۇزدىك دەپ تانىلدى، ەكىنشى ورىندى رەسەي كومانداسى، ءۇشىنشى ورىندى قازاقستان مەن ءازىربايجان ءوزارا ءبولىستى.

ەڭ تانىمال «تانك بياتلونى» بايقاۋى ەڭ ۇزدىك تانك ەكيپاجدارىن انىقتادى. تانكيستەر اتىس سىزىقتارى مەن كەدەرگىلەرى بار كۇردەلى جولدان ءوتتى. ولار جىلدامدىق پەن مانەۆرلىكتى، ماقساتتاردى جەڭۋدەگى دالدىكتى، ەكيپاجداردىڭ ۇيلەسىمدىلىگى مەن شەبەرلىگىن كورسەتتى. ءبىرىنشى كەزەڭنەن باستاپ قازاقستاندىق اسكەري قىزمەتشىلەر ون توعىز ەلدىڭ قاتىسۋشىلارى اراسىندا كوشباسشى بولدى. فينالدىق ەستافەتانىڭ قورىتىندىسى بويىنشا قازاقستاندىق تانكيستەر ءۇشىنشى ورىنعا يە بولدى. ءبىزدىڭ تانكيستەردەن تەك جارىستىڭ قوجايىندارى-رەسەيلىكتەر مەن قىتاي كومانداسى وزىپ شىقتى.

جالپى، قازاقستاندىق اسكەري قىزمەتشىلەر حالىقارالىق ويىنداردا ءساتتى ونەر كورسەتە ءبىلدى. ءبىزدىڭ جاۋىنگەرلەرىمىزدىڭ قورجىنىنا ەكى «التىن»، ءبىر «كۇمىس» جانە سەگىز «قولا» مەدال ءتۇستى.

4

سوڭعى جاڭالىقتار

دوللار باعاسى تاعى قىمباتتادى

ەكونوميكا • بۇگىن، 10:32

چەمپيوندى تابا الماي جاتىر

سپورت • بۇگىن، 07:59

«ورداباسى» جەڭىسكە جەتتى

سپورت • بۇگىن، 07:58

بۋبليك – ءۇشىنشى كەزەڭدە

سپورت • بۇگىن، 07:57

IQanat قاناتتاندىرعاندار

ايماقتار • بۇگىن، 07:55

اۋىلداعى داۋىل

ايماقتار • بۇگىن، 07:47

ەت وتكىزەتىن نارىق كەرەك

ەكونوميكا • بۇگىن، 07:40

ەڭ باستىسى – ەڭبەك قاۋىپسىزدىگى

ەكونوميكا • بۇگىن، 07:37

بوزكىلەمدە – بۇرىمدىلار

سپورت • بۇگىن، 07:33

بەرگەن سەرتكە بەرىكتىك

قازاقستان • بۇگىن، 07:30

پيك پەن ميب-ءتىڭ «شايقاسى»

قازاقستان • كەشە

ۇقساس جاڭالىقتار