وقۋ-جاتتىعۋدىڭ نەگىزگى ماقساتى – قارۋلى كۇشتەردى جان-جاقتى قامتاماسىز ەتۋ ماسەلەلەرى بويىنشا مامانداردىڭ ءبىلىمى مەن داعدىسىن جەتىلدىرۋ, بىتىمگەرشىلىك ميسسياسى ءوتىپ جاتقان جەرگە اسكەري كونتينگەنتتى ءوز بەتىنشە جىبەرۋدى ۇيىمداستىرۋ جانە ونى لوگيستيكالىق قولداۋ ءتارتىبىن زەردەلەۋ.
«جاھانداعى سانيتارلىق-ەپيدەميولوگيالىق جاعدايعا قاراماستان, اقش-تىق ارىپتەستەرىمىز وقۋ-جاتتىعۋلارعا قاتىسىپ, بۇۇ-نىڭ ميسسيالارىنا قاتىساتىن قازاقستان قارۋلى كۇشتەرىنىڭ بىتىمگەرلەرىن دايارلاۋعا قوماقتى ۇلەس قوسقانىنا قۋانىشتىمىز. بۇل پلاتفورما ءبىزدىڭ اسكەري قىزمەتشىلەردى دايارلاۋعا جاقسى مۇمكىندىك», دەپ اتاپ ءوتتى قازاقستان قارۋلى كۇشتەرىنىڭ تىل جانە قارۋ-جاراق باستىعى گەنەرال-مايور الماس احماديەۆ.
«اتالعان وقۋ-جاتتىعۋ باسقارۋ ورگاندارىنىڭ 2021 جىلعا ارنالعان دايىندىق جوسپارىنا سايكەس جانە ەكى ەلدىڭ قورعانىس ۆەدومستۆولارى اراسىنداعى اسكەري ىنتىماقتاستىقتىڭ 2018-2022 جىلدارعا ارنالعان بەسجىلدىق جوسپارى شەڭبەرىندە ۇيىمداستىرىلدى», دەپ جازادى قورعانىس مينيسترلىگىنىڭ ءباسپاسوز قىزمەتى.
