«ۇكىمەتتىڭ تاپسىرماسى بويىنشا, دەلتا شتامىمەن جۇمىس ۆيرۋس قازاقستان رەسپۋبليكاسىنىڭ اۋماعىنا ەنگەن كەزدە باستالدى. كلينيكاعا دەيىنگى زەرتتەۋلەر تولىعىمەن جانۋارلارعا جاسالدى. ال ءبىزدىڭ ۆاكتسيناداعى شتامم قۇرامىن اۋىستىرۋ جانۋارلاردا جوعارى ناتيجە كورسەتتى. بۇگىننەن باستاپ ونى دەنساۋلىق ساقتاۋ مينيسترلىگىنە جىبەردىك. ءبىز ۆاكتسينانىڭ كەلەسى پارتياسىنىڭ شتامدىق قۇرامىن اۋىستىرۋ ءۇشىن ولارمەن تىعىز جۇمىس ىستەيمىز. دەنساۋلىق ساقتاۋ مينيسترلىگى بۇل قيىن جاعدايدى ءتۇسىنىپ, بۇرىن-سوڭدى بولماعان قادامعا باردى - ددسۇ-مەن كەڭەسپەي, تۇماۋعا قارسى ۆاكتسينا تاجىريبەسىنە سۇيەنە وتىرىپ, جاقىن كۇندەرى دەلتا شتامىنىڭ قۇرامىن اۋىستىرۋعا رەسمي رۇقسات بەرەدى. ءبىز ۋحان شتامىن دەلتا شتامىنا اۋىستىرامىز», دەدى ك.زاكاريا.
ونىڭ ايتۋىنشا, وسىدان ەكى اي بۇرىن شتامم قۇرامىن اۋىستىرۋ جۇرگىزىلىپ, جانۋارلارعا سىناقتار جۇرگىزىلگەن. كلينيكاعا دەيىنگى زەرتتەۋلەردەن كەيىن عالىمدار شتامم قۇرامى وزگەرتىلگەن ۆاكتسينانى سىناۋ ءۇشىن وزدەرىنە سالدىرعان.
ك.زاكاريانىڭ ايتۋىنشا, موديفيكاتسيالانعان شتامدىق قۇرامى بار ۆاكتسينا جاقسى ناتيجە كورسەتكەن جانە ونىڭ ءوندىرىسى جاقىن ارادا باستالادى.
