بۇل تۋرالى قر ىشكى ىستەر مينيسترلىگى مالىمدەدى.
تۋريستەرگە ارنالعان بروشيۋرالار قازاق, ورىس جانە اعىلشىن تىلدەرىندە شىعارىلعان. كارتا-سحەمالار مەن نۇسقاۋلىقتار تۋريستەرگە قالانى ءوز بەتىنشە ارالاۋعا جانە ەلوردادا ءتيىمدى ۋاقىت وتكىزۋگە كومەكتەسەدى. ءار بروشيۋرادا كوڭىل كوتەرەتىن جانە تاماقتاناتىن جانە كورۋگە تۇرارلىق تۋريستىك ورىندار ءتىزىمى جازىلعان.
«سونداي-اق سايتتا تاقتايشاداعى QR-كودتى سكانەرلەۋ ارقىلى كىرۋگە بولاتىن تۋريستىك نىساندار كورسەتىلگەن. نۇر-سۇلتان قالاسىنىڭ پوليتسيا دەپارتامەنتى اكىمدىكپەن بىرلەسىپ, بارلىق مودۋلدىك بەكەتتەردە QR-كودتارى بار تاقتايشالار ورناتۋدا. QR-كودتا قالانىڭ نىساندارى مەن كارتاسى تۋرالى بارلىق قاجەتتى اقپارات بار. تۋريستىك پوليتسيا قىزمەتكەرلەرىنىڭ نەگىزگى مىندەتى – تۋريستەر مەن قوناقتاردى قىزىقتىراتىن سۇراقتار بويىنشا اقپاراتتاندىرۋ, حالىق كوپ جينالاتىن مادەني نىساندارى مەن كورىكتى جەرلەردە قاۋىپسىزدىكتى قامتاماسىز ەتۋ», دەلىنگەن مينيسترلىك حابارلاماسىندا.
قالا اكىمدىگىنىڭ قولداۋىمەن «بايتەرەك», «قازاق ەلى» مونۋمەنتتەرى, «عاشىقتار ساياباعى» مەن ەكسپو كورمە ورتالىعى اۋماعىنداعى «تۋريستىك پوليتسيا بەكەتتەرى ورناتىلدى, وعان تەك شەتەلدىكتەر عانا ەمەس, قالا تۇرعىندارى مەن باسقا وڭىرلەردەن كەلگەن قوناقتار دا بار.
«كۇن سايىن تۋريستىك پوليتسيا جاساعىنا شەت تىلدەرىن بىلەتىن ەكى قىزمەتكەر تۇسەدى جانە ولارعا تاۋلىگىنە ورتا ەسەپپەن 25-30 ءوتىنىش تۇسەدى. تۋريستەردى كوبىنەسە ناۆيگاتسيا, ءبىر ورىننان ەكىنشى ورىنعا جەتۋ جولدارى, قوناق ۇيلەر, قالانىڭ نەگىزگى كورىكتى جەرلەرى, كوشى-قون پوليتسياسىنا بارۋ جانە تاعى دا باسقا ماسەلەلەر ءجيى تولعاندىرادى», دەيدى قر ءىىم ءباسپاسوز قىزمەتى.
