نۇر-سۇلتان قالاسى بويىنشا 2017 جىلدىڭ 1 شىلدەسى مەن 2021 جىلدىڭ 31 تامىزى ارالىعىندا مەديتسينالىق ساقتاندىرۋ ءۇشىن جيناقتالعان جارنانىڭ جالپى سوماسى 84,9 ملرد تەڭگەنى قۇرادى.
«2021 جىلدىڭ تامىز ايىندا مەديتسينالىق ساقتاندىرۋ ءۇشىن ەلوردالىقتار 3,6 ملرد تەڭگەگە جۋىق جارنا اۋدارعان. ونىڭ ىشىندە جۇمىس بەرۋشىلەردىڭ اۋدارىمدارى 1,7 ملرد تەڭگەگە جۋىق, ال جەكە كاسىپكەرلەردەن تۇسكەن جارنا 1,9 ملرد تەڭگەدەن اسادى. وسى جىلدىڭ 31 تامىزىنداعى جاعداي بويىنشا 13 441 ادام بىرىڭعاي جيىنتىق تولەم (بجت) بويىنشا ءمامس-كە جارنا تولەگەن.
مىندەتتى الەۋمەتتىك مەديتسينالىق ساقتاندىرۋ ءۇشىن تۇسكەن بارلىق جارنا اۋدارىمدارى, ياعني جيناقتالعان قارجى, سەنىمگەرلىك باسقارۋ تۋرالى جاسالعان كەلىسىمشارتقا سايكەس, ۇلتتىق بانكتە ساقتالادى دا, مەديتسينالىق قىزمەتتەر اقىسىن تولەۋگە جۇمسالادى. تمككك جانە ءمامس پاكەتتەرى بويىنشا حالىققا كورسەتىلگەن مەديتسينالىق قىزمەتتەردىڭ ساپاسى مەن كولەمىنە مونيتورينگ جاساپ, تەكسەرىلگەننەن كەيىن عانا قور جەتكىزۋشىلەرىنە تولەم جۇرگىزىلەدى», دەيدى «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
