كەزدەسۋگە قازاقستان, ءۇندىستان, قىتاي, قىرعىزستان, پاكىستان, رەسەي فەدەراتسياسى, تاجىكستان, وزبەكستان وكىلدەرى, سونداي-اق ۇيىمنىڭ باس حاتشىسى قاتىستى. قازاقستان تاراپىنان ۇلتتىق بانك توراعاسىنىڭ ورىنباسارى ءاليا مولدابەكوۆا قاتىستى.
قارجى مينيسترلەرى مەن شىۇ-عا مۇشە ەلدەردىڭ ورتالىق بانكتەرىنىڭ باسشىلارى پاندەميادان كەيىنگى كەزەڭدەگى ەكونوميكانىڭ قالپىنا كەلۋ قارقىنىن تالقىلادى, سونىمەن قاتار شىۇ مۇشە مەملەكەتتەردىڭ ۇكىمەتتەرى مەن ورتالىق بانكتەرىنىڭ قولداۋ باعدارلامالارىن ىسكە اسىرۋداعى ءرولىن باعالادى.
كەزدەسۋگە قاتىسۋشىلار قارجى سالاسىنداعى حالىقارالىق ىنتىماقتاستىقتى نىعايتۋ, ونىڭ ىشىندە شانحاي ىنتىماقتاستىق ۇيىمى شەڭبەرىندە, كوروناۆيرۋستىق پاندەميا سالدارىن جويۋدىڭ ءتيىمدى قۇرالىنا اينالۋى ءتيىس ەكەنىن اتاپ ءوتتى.
