مەملەكەتتىك باقىلاۋ باسقارماسىنىڭ باستىعى دميتري راستيحين ءورتتىڭ 70%-ى تۇرعىن ءۇي سەكتورىنا تيەسىلى ەكەنىن اتاپ ءوتتى. ولاردىڭ نەگىزگى سەبەپتەرى پەشتەردى ورناتۋ جانە پايدالانۋ كەزىندە ءورت قاۋىپسىزدىگى ەرەجەلەرىن ساقتاماۋ, ەلەكتر جابدىقتارىن مونتاجداۋ جانە تەحنيكالىق پايدالانۋ ەرەجەلەرىن بۇزۋ بولىپ تابىلادى.
«جىل باسىنان بەرى ورتتەن 36 ادام قازا تاپتى, ياعني 16%-عا ارتقان. 35 ادام ءارتۇرلى دارەجەدەگى جاراقات الدى, بۇل وتكەن جىلدىڭ سايكەس كەزەڭىمەن سالىستىرعاندا 2,7 ەسە كوپ. ورتتەن كەلگەن ماتەريالدىق شىعىن 188 ميلليون تەڭگەدەن اسىپ, ءۇش ەسەگە ارتتى. وڭىردە 14 تامىز بەن 15 قازان ارالىعىندا ءورت قاۋىپسىزدىگى ايلىعى وتكىزىلەدى. ءۇش مىڭنان استام تۇرعىن ءۇيدى ارالاپ, 646 ۇيدە 1329 ءورت قاۋىپسىزدىگى ەرەجەلەرىن بۇزۋ انىقتالدى», دەدى د.راستيحين.
