«وتكەن جىلى تۇركىستان وبلىسىنداعى «ك-19» ماگيسترالدى ارناسىن تسيفرلاندىرۋ بويىنشا العاشقى جوبا جۇزەگە اسىرىلدى. جوبا بارىسىندا سۋ 45 پايىزعا كوبىرەك جۇمسالاتىنى انىقتالدى. ەندى الداعى 5 جىل ىشىندە ۇزىندىعى 3,3 مىڭ شاقىرىم بولاتىن 212 ارنانى تسيفرلاندىرۋ جوسپاردا. اتالعان ءىس-شارالاردى ىسكە اسىرۋ 2,2 تەكشە مەتر سۋدى ۇنەمدەۋگە مۇمكىندىك بەرەدى. ودان باسقا, مينيسترلىك سۋ ۇنەمدەۋ تەحنولوگياسى قولدانىلاتىن الاڭداردى 2025 جىلعا قاراي 750 مىڭ گەكتارعا دەيىن جەتكىزۋدى ۇسىنادى», دەدى مينيستر.
مينيستر ۇسىنعان دەرەكتەرگە سايكەس, رەسپۋبليكالىق مەنشىكتە جالپى ۇزىندىعى شامامەن 20 مىڭ شاقىرىم بولاتىن 3 298 سۋارۋ جەلىسى بار. سول كانالداردىڭ 60-ى ناشار جاعدايدا. بۇل سۋدى تاسىمالداۋ كەزىندە ورىن الاتىن جوعارى شىعىننىڭ نەگىزگى سەبەبى.
«ارنالاردى قالپىنا كەلتىرۋ جۇمىستارى تۇراقتى جۇرگىزىلۋدە. ماسەلەن, 2019-2020 جىلدارى 1734 شاقىرىم ارنا جوندەلىپ, 111,5 گەكتار سۋارمالى جەر اينالىمعا ەنگىزىلدى. بيىلعى جىلدىڭ سوڭىنا دەيىن 1 050 شاقىرىم ارنالاردى قايتا جاڭعىرتۋ جوسپارلانىپ وتىر. بۇل 78 مىڭ گەكتار سۋارمالى جەردى اينالىمعا ەنگىزۋگە مۇمكىندىك بەرەدى», دەدى ول.
ماعزۇم مىرزاعاليەۆتىڭ ايتۋىنشا, 5 جىل ىشىندە ۇزىندىعى شامامەن 2,3 مىڭ شاقىرىم بولاتىن 120 ارنا قايتا جاڭارتۋ جۇمىستارىنان وتەدى. بۇل 600 مىڭ گەكتار جەردى اينالىمعا ەنگىزۋگە مۇمكىندىك بەرمەك.
