ءبىلىم جانە عىلىم ءمينيسترى اسحات ايماعامبەتوۆ اقمولا وبلىسىنىڭ №2 قوسشى ورتا مەكتەبىندە ءبىلىم كۇنىنە ارنالعان سالتاناتتى جيىنعا قاتىسىپ, ءبىلىم سالاسىنىڭ بارشا وكىلىن كاسىبي مەرەكەمەن قۇتتىقتادى.
«ءبىلىم كۇنى – ماڭىزدى مەرەكە جانە بيىل بۇل اتاۋلى كۇننىڭ ورنى ەرەكشە. پاندەمياعا بايلانىستى بۇعان دەيىن مەكتەپتەردىڭ ءبىر بولىگى قاشىقتان وقىتۋ فورماتىنا كوشۋگە ءماجبۇر بولعان ەدى. بۇگىن ەلىمىز بويىنشا 7 مىڭنان اسا مەكتەپ ەسىگىن ايقارا اشىپ, جاڭا وقۋ جىلىن ءداستۇرلى فورماتتا باستادى. البەتتە, مۇعالىمدەر گادجەت ەكراندارى ارقىلىەمەس, بالالارمەن تىكەلەي بايلانىستا بولا وتىرىپ بەرەتىن ءبىلىمدى زاماناۋي تەحنولوگيالارمەن سالىستىرۋ قيىن. مۇعالىمدەرگە ەرەكشە ىقىلاسپەن جانە قۇرمەتپەن قارايمىن. الەمدىك پاندەميا ءبىلىم بەرۋ ۇردىسىندەگى مۇعالىمنىڭ باعاجەتپەس ءرولىن ايقىنداي ءتۇستى. اتاپ ايتساق, مۇعالىمنىڭ كاسىبيلىگى, تاجىريبەسى مەن وقۋشىنىڭ ومىرىندەگى اتقاراتىن ءرولى ايقىندالدى. ارىپتەستەرىمە قاجىرلى ەڭبەگى جانە از ۋاقىتتىڭ ىشىندە جاڭا جاعدايلارعا تەز بەيىمدەلگەنى ءۇشىن تاعى ءبىرمارتە ريزاشىلىعىمدى بىلدىرەمىن. ارينە, پاندەميا وقىتۋ ساپاسىنا دا اسەر ەتپەي قويمادى. سوندىقتان جاڭا وقۋجىلىندا ءبىز وقۋشىلاردىڭ بىلىمىندەگى ولقىلىقتاردىڭ ورنىن تولتىرۋ بويىنشا جۇمىس جۇرگىزۋىمىز كەرەك», دەدى ۆەدومستۆو باسشىسى.
وسىدان سوڭ مينيستر 1-سىنىپ وقۋشىلارىنا «بار كىتاپقا باس بولعان» «الىپپە» وقۋلىعىن تاپسىرىپ, بالالارعامىقتى دەنساۋلىق جانە جاڭا وقۋ جىلى قىزىقتى ءارى پايدالى بولۋىن تىلەدى. بيىل 394 مىڭعا جۋىق وقۋشى العاش رەت مەكتەپ تابالدىرىعىن اتتادى. جاڭا وقۋ جىلىندا 3,6 ملن-عا جۋىق بالا ءبىلىم الادى. بۇل – بۇرىنعى جىلدارمەن سالىستىرعاندا رەكوردتىق كورسەتكىش.
بيىل وقۋ پروتسەسى سانيتارلىق نورمالاردى قاتاڭ ساقتاي وتىرىپ وتەدى. ءبىلىم الۋشىلاردىڭ دەنساۋلىعىن ساقتاۋ ءۇشىن ۇزىلىستەر ءارتۇرلى ۋاقىتتا بولادى, سونىمەن قاتار قوسىمشا اۋىسىمدار ەنگىزىلەدى. سىنىپتار مەن كابينەتتەردە كۆارتستاۋ, جەلدەتۋ جانە دەزينفەكتسيالاۋ جۇمىستارىن جۇرگىزۋ مىندەتتى. ساباقتار «ءبىر كابينەت – ءبىر سىنىپ» قاعيداتى بويىنشا ۇيىمداستىرىلادى, ياعني ءار سىنىپقا بەلگىلى ءبىر كابينەت بەكىتىلۋى كەرەك. جاڭا وقۋ جىلىنداعى ساباقتىڭ ۇزاقتىعى 45 مينۋتتى قۇرايدى. ءبىلىم بەرۋ ۇيىمدارىندا بۇقارالىق ءىس-شارالاردى وتكىزۋگە تىيىم سالىنادى.
