بوكس • 01 قىركۇيەك، 2021

ازيادا الدارىنا جان سالمادى

25 رەت كورسەتىلدى

بىرىككەن اراب امىرلىكتەرىنىڭ دۋباي قالاسىندا بوكستان جاستار جانە جاسوسپىرىمدەر اراسىنداعى ازيا بىرىنشىلىگى ءوز مارەسىنە جەتتى. ايتۋلى جارىستا قازاقستاننىڭ ۇلدار جانە قىزدار قۇراماسى بارلىق سالماق دارەجەلەرى بويىنشا باق سىنادى. ناتيجەسىندە، 51 سالماق بو­يىنشا جۇدىرىقتاسقان بوكس­شىلارىمىز جالپى سانى 47 مەدال جەڭىپ الدى (19 التىن، 15 كۇمىس جانە 13 قولا). ونىڭ ىشىندەگى 11 التىن، 6 كۇمىس پەن 5 قولا جاس­تار، قالعانى جاسوسپىرىمدەر قۇراماسىنا تيەسىلى.

جاسوسپىرىمدەردىڭ اياق الىسى جامان ەمەس

بيىلعى جاستار مەن جاس­وس­پىرىمدەر اراسىنداعى بوكستان ازيا چەمپيوناتىندا (ASBC) قۇرلىق بىرىنشىلىگىندە 51 جاڭا جەڭىمپازدىڭ ەسىمى انىقتالدى (25 قىز بەن 26 ۇل). بۇل – سالماق دارەجەلەرىنىڭ سانى بويىنشا رەكوردتىق كورسەتكىش. سارى قۇرلىق بىرىنشىلىگىنە ەڭ كوپ بوكسشى قازاقستان، وزبەكستان جانە ءۇندىستان قۇرامالارىنان قاتىستى.

بيىلعى بىرىنشىلىكتىڭ تاعى ءبىر ەرەكشەلىگى، تاريحتا ءبىرىنشى رەت ءبىر چەمپيوناتتا ەكى بۋىننىڭ (جاس ەرەكشەلىگىنە قاراي) وكىلدەرى شارشى الاڭعا شىقتى. اتاپ ايتقاندا، 2003 پەن 2004 جىلى تۋعاندار جاستار اراسىندا باق سىناسا، 2005-2006 جىلى تۋعان بوكسشىلار جاسوسپىرىمدەر اراسىندا كىم مىقتىنى انىقتادى.

فينالدىق جەكپە-جەكتەردى الدىمەن اركادي توپاەۆ باپتايتىن جاسوسپىرىمدەر قۇراماسى باس­تاپ بەردى. بۇل سىندا قازاقستان قۇراماسىنىڭ جەتى وكىلى فينالعا شىعىپ، ونىڭ تورتەۋى ازيا چەمپيو­ناتىندا اتوي سالدى. اتاپ ايتار بولساق، بارلىق قارسىلاسىنان باسىم تۇسكەن دامير بايپاقوۆ (46 كگ)، تورەحان سابىرحان (52 كگ)، ادايبەك نيازباەۆ (54 كگ) جانە باقتيار انارباەۆ (57 كگ) تۇعىردىڭ ەڭ بيىك ساتىسىنان كورىندى. ال فينالدا قارسىلاستارىنا ەسە جىبەرگەن يسلام سوۆەتوۆ (66 كگ)، موحاممەد اتتيا-حامەد (81 كگ)، ەردوس شارىپبەك (+ 81 كگ) كۇمىس جۇلدەنى مويىندارىنا تاقتى. ازيا بىرىنشىلىگىنىڭ جارتىلاي فينالىندا جەڭىلگەن ايدار قادىرحان (48 كگ)، يليا كالينين (50 كگ)، ماديار تايپاقوۆ (60 كگ)، ۆيكتور ليتۆينوۆ (70 كگ) پەن داۋلەت تولەمىسوۆ (75 كگ) چەمپيوناتتى قولا جۇلدەمەن قورىتىندىلادى.

وسىلايشا، قازاقستاننىڭ جاس­وسپىرىمدەر قۇراماسى بىرىككەن اراب امىرلىكتەرىندە 4 التىن، 3 كۇمىس جانە 5 قولا مەدال جەڭىپ الدى. وسى ناتيجەمەن ولار جالپىكوماندالىق ەسەپتە ەكىنشى ورىندى يەلەندى. ال­دىمىزدا – وزبەكستان بوكسشىلارى. ولار 6 التىن مەدال ولجالادى.

سونىمەن قاتار ەلدوس سايدالين جەتەكشىلىك ەتەتىن قىزدار اراسىنداعى ءجاسوسپىرىم بوكسشىلار دا جالپى ەسەپتە ەكىنشى ورىنعا قول جەتكىزدى. جەرلەستەرىمىز ەل قور­جىنىنا 4 التىن، 6 كۇمىس جانە 3 قولا جۇلدە سالدى. 6 التىن، 4 كۇمىس مەدال جەڭىپ العان ۇندىستاندىق قىزدار ازيا بىرىنشىلىگىن ءبىرىنشى ورىنمەن اياقتادى. ال وزبەكستان قۇراماسىنىڭ بوكسشىلارى 3 التىن جانە 3 كۇمىس جۇلدەگە قول جەتكىزدى.

قازاقستان قۇراماسى ساپىنان ۆيكتوريا بايدۋكوۆا (54 كگ)، ۇلجان سارسەنبەك (57 كگ)، ارۋجان جاڭاباەۆا (66 كگ) جانە ءۇمىت ابىلقايىر (81 كگ) كوك تۋىمىزدى كوكتە جەلبىرەتسە، ەڭلىك بوستىباەۆا (50 كگ)، توميريس مىرزاقۇل (52 كگ)، اسەم تاڭاتار (60 كگ)، ايگەرىم قاب­دولدا (63 كگ)، اجار تۇركىستانوۆا (75 كگ)، شۇعىلا رىسبەك (+ 81 كگ) – كۇمىس، ەليانۇر تۇرعانوۆا (46 كگ)، انيتا اديشەۆا (48 كگ) جانە باقىت سەيديش (70 كگ) قولا مەدال يەلەندى.

 جاستارىمىز – ازيادا الدىڭعى قاتاردا

ءساۋىر ايىندا پولشانىڭ كەل­تسە قالاسىندا وتكەن بوكستان جاستار ارا­سىنداعى الەم بىرىنشىلىگىندە 2 التىن، 2 كۇمىس جانە 1 قولا مەدال­مەن جالپىكوماندالىق ەسەپتە ەكىنشى ورىنعا تابان تىرەگەن قازاقستاننىڭ جاستار قۇراماسى ازيا چەمپيوناتىندا دا وزدەرىنىڭ مىقتىلىعىن دالەلدەدى.

اسا جەڭىل سالماقتا كەلتسەدە الەم چەمپيونى اتانعان سانجار تاش­كەن­باي دۋبايدا دا جەڭىس تۇعىرىنىڭ ەڭ بيىك ساتىسىنان كورىندى. فينالدا ۇندىستاندىق ۆيشۆانات ءسۋريشتى 5:0 ەسەبىمەن جەڭىپ، ازيا چەمپيونى اتاندى. تۇركىستان وبلىسىنىڭ تۋماسى وسىلايشا ءبىر جىل ىشىندە الەم بىرىنشىلىگىندە دە، ازيا چەمپيوناتىندا دا توپ جاردى. ال الەم بىرىنشىلىگىندە كۇمىس جۇلدە ەن­شىلەگەن ەلنۇر ءسۇيىنباي (63،5 كگ) بىرىككەن اراب امىرلىكتەرىندە سا­رى قۇرلىقتىڭ التىن مەدالىن موي­نىنا تاقتى. سونىمەن قاتار نۇر­سۇلتان التىنبەك (54 كگ)، ابدىعالى ابدىكەرىم (57 كگ)، ەراسىل ەرمەك (60 كگ)، ابزال سەرىك (67 كگ)، باقبەرگەن الياسقاروۆ (75 كگ) جانە تەمىرلان مۇقاتاەۆ (86 كگ) ازيادا تەڭدەسسىز دەپ تانىلدى.

وكىنىشكە قاراي، فينالدىق ايقاستا قارسىلاستارىنا جول بەرگەن اۋىر سالماقتاعى ءمادي ءامىروۆ (92 كگ) پەن اسا اۋىر سالماقتاعى دا­نيال ساپارباي (+ 92 كگ) كۇمىس مە­دالدى قاناعات تۇتتى. ەكى جەرلە­سىمىز دە فينالدا وزبەكستاندىق قارسى­لاستارىنان جەڭىلدى. م.ءامىروۆ نۋس­راتبەك توحيروۆتان باسىم داۋىسپەن (2:3)، د.ساپارباي تورەشىلەردىڭ ءبىر اۋىز شەشىمىمەن (0:5) جاحونگير زوكي­روۆتان ۇتىلدى. ال جارتىلاي فينالدا قارسىلاستارىنا جول بەر­گەن ارمان المات ۇلى (71 كگ) مەن داۋرەن مامىر (82 كگ) ازيا بىرىن­شىلىگىنىڭ قولا جۇلدەگەرى اتاندى.

وسىلايشا، قايرات ءساتجانوۆ جەتەكشىلىك ەتەتىن قازاقستاننىڭ جاستار قۇراماسى دۋبايداعى دودانى 8 التىن، 2 كۇمىس جانە 2 قولا مەدالمەن قورىتىندىلادى. وسى ناتيجەمەن جالپىكوماندالىق ەسەپتە كوش باسىنا شىقتى. 3 التىن، 3 كۇمىس جانە 1 قولا مەدال جەڭىپ العان وزبەكستان جاستار قۇراماسى ەكىنشى ورىنعا تابان تىرەسە، ۇزدىك ۇشتىكتى ءۇندىستان بوكسشىلارى تۇيىندەدى. ولار 2 التىن، 3 كۇمىس، 4 قولا مەدال ولجالادى.

تاعى ءبىر ايتا كەتەرلىگى، ەلنۇر ءسۇيىنباي جاستار اراسىنداعى ازيا چەمپيوناتىنىڭ ەڭ ۇزدىك بوكسشىسى دەگەن اتاققا يە بولدى.

ەلدوس سايدالين جاتتىقتىراتىن جاستار اراسىنداعى قازاقستان قىزدار قۇراماسى دا بارلىق سالماق دارەجەسى بويىنشا باق سىنادى. فينالدىق سايىستا جۇدىرىقتاسقان ميلانا ايۋپوۆا (63 كگ)، ايدا سا­رى­باروۆا (81 كگ) جانە ديانا ما­گاۋياەۆا قارسىلاستارىنان باسىم ءتۇسىپ التىننان القا تاقسا، فينالدا سۇرىنگەن ايشاگۇل ەلەۋباەۆا (54 كگ)، جۇلدىز شاياحمەتوۆا (60 كگ)، گاۋ­ھار شايبەكوۆا (70 كگ) مەن دانا دي­داي (75 كگ) كۇمىسكە قول جەتكىزدى. ال گۇلناز بورىباەۆا (48 كگ)، گۇلنار تۇ­راپباي (52 كگ) جانە شاحناز يساەۆا (57 كگ)، قولا مەدالدى قاناعات تۇتتى.

جالپىكوماندالىق ەسەپتە وزبەكستان قۇراماسى الدىنا جان سالمادى. ولار 5 التىندى ولجالاپ، ۇزدىكتەر قاتارىنان كورىندى. ەكىنشى ورىنداعى ءۇندىستان قورجىنىندا 4 التىن بار. قازاقستان قۇراماسى ءۇش التىنمەن ءۇشىنشى ساتىعا جايعاستى.

 

سۋرەتتە: چەمپيوناتتىڭ
«ەڭ ۇزدىك بوكسشىسى» اتانعان
ەلنۇر ءسۇيىنباي

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار