بۇل تۋرالى LS باسىلىمى مالىمدەدى.
«2050 جىلعا دەيىنگى ۇزاق مەرزىمدى دەموگرافيالىق بولجام» بويىنشا, ەگەر 2020 جىلى ەكونوميكالىق بەلسەندى حالىقتىڭ ورتاشا جاسى 39,2 جاس بولسا, 2030 جىلعا قاراي ول 40,9 جاسقا دەيىن وسەدى. 2050 جىلعا قاراي بۇل كورسەتكىش 39,9 جىلعا دەيىن ءسال تومەندەيدى.
سونىمەن قاتار 2019 جىلدىڭ كورسەتكىشتەرى بويىنشا ەكونوميكالىق بەلسەندىلىك دەڭگەيىن ساقتاي وتىرىپ, 2025 جىلعا قاراي 30 جاسقا دەيىنگى جۇمىس كۇشىنىڭ سانى 473 مىڭ ادامعا نەمەسە 2020 جىلمەن سالىستىرعاندا 19%-عا قىسقارادى.
2030 جىلعا قاراي جاس ماماندار سانى 2020 جىلعى دەڭگەيدىڭ 90% قۇرايدى.
30-50 جاس ارالىعىنداعى جۇمىس كۇشىنىڭ سانى 2025 جىلعا قاراي 327 مىڭ ادامعا وسەدى (+7%), بىراق 2030 جىلعا قاراي 2025 جىلمەن سالىستىرعاندا 79 مىڭ ادامعا ازايادى.
50 جاستان اسقان جۇمىسشىلار 2025 جىلعا قاراي 352 مىڭعا, ال 2030 جىلعا قاراي تاعى 150 مىڭعا وسەدى.
سونىمەن قاتار 2030 جىلعا قاراي ەكونوميكالىق بەلسەندى حالىقتىڭ ورتاشا جاسى بارلىق وڭىرلەردە وسەدى. ونىڭ ىشىندە شىعىس قازاقستان, تۇركىستان, الماتى وبلىستارى مەن الماتىدا جوعارعى كورسەتكىشتەردى بايقاۋعا بولادى, ال ەڭ ازى – اتىراۋ مەن قىزىلوردا وبلىستارىندا ەكەن.
