ۇكىمەت • 31 تامىز، 2021

ەلىمىزدە وق-دارىلەر قويماسىن تەكسەرەتىن كوميسسيا قۇرىلدى

81 رەت كورسەتىلدى

قورعانىس مينيسترلىگىندە قارۋلى كۇشتەردىڭ بارلىق وبەكتىلەرىندەگى وق-دارىلەردىڭ ساقتالۋ جاعدايىن تەكسەرۋ جونىندە كوميسسيا قۇرىلدى، دەپ حابارلايدى Egemen.kz.

قورعانىس ۆەدومستۆو باسشىسى ن.ەرمەكباەۆتىڭ بۇيرىعىمەن قورعانىس مينيسترلىگى باس ينسپەكتسياسىنىڭ باستىعى گەنەرال-لەيتەنانت ءامىر حالىقوۆ باسشىلىق ەتەتىن قارۋلى كۇشتەردىڭ بارلىق قويمالارىنداعى وق-دارىلەردى تەكسەرۋ كوميسسياسىنىڭ قۇرامى تاعايىندالدى.

شەشىم جامبىل وبلىسىندا ورىن العان وقيعاعا بايلانىستى قابىلداندى. العاشقى ساتتەن باستاپ-اق قورعانىس ءمينيسترى ءورت سالدارىن جويۋ جۇمىستارىن ۇيىمداستىرىپ، وقيعانىڭ تۋىنداۋ سەبەپتەرى مەن ءمان-جايىن تالدادى.

اپپارات كەڭەسىندە گەنەرال-لەيتەنانت ن.ەرمەكباەۆ اتاپ وتكەندەي، قورعانىس مينيسترلىگى ارىستا بولعان ورتتەن كەيىن بۇنداي وقيعالاردى بولدىرماۋ ءۇشىن كەشەندى شارالار قابىلداعان بولاتىن.

سونداي-اق قارۋلى كۇشتەردە قارۋ-جاراق پەن وق-دارىلەردى ساقتاۋ وبەكتىلەرىن جەتىلدىرۋ بويىنشا كەشەندى جوسپار جۇزەگە اسىرىلىپ، 30 جىل ىشىندە العاش رەت وق-دارىلەرگە تولىق تۇگەندەۋ جۇرگىزىلدى جانە ەكى ساقتاۋ بازاسىنىڭ قۇرىلىسى ۇيىمداستىرىلدى.

«قابىلدانعان شارالارعا قاراماستان، مينيستر بەرگەن بىرقاتار تاپسىرمالاردىڭ ءوز دەڭگەيىندە ورىندالماۋى جامبىل وبلىسىنداعى وقيعاعا سەبەپكەر بولۋى دا مۇمكىن. وقيعانىڭ شىنايى سەبەپتەرى مەن كىنالىلەردى تەرگەۋ جۇمىستارى انىقتالۋى ءتيىس»، دەدى قورعانىس ۆەدومستۆوسىنىڭ باسشىسى.

وق-دارىلەردى ساقتاۋ وبەكتىلەرى رەجيمدىك ەكەنىن ەسكەرە وتىرىپ، كوميسسيا جۇمىسىنا كەڭەسشىلەر رەتىندە تاۋەلسىز جانە بىلىكتى ساراپشىلاردى، ونىڭ ىشىندە قارۋلى كۇشتەردىڭ ارداگەرلەرىن تارتۋ تاپسىرىلدى. كوميسسيا وق-دارىلەردىڭ ساقتاۋ جاعدايىنا وبەكتيۆتى باعا بەرىپ، بارلىق كەمشىلىكتەردى انىقتاۋعا جانە ولاردى جويۋ جونىندەگى جۇمىستاردى ۇيىمداستىرۋعا ىقپال ەتەدى.

 

 

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار