قر ءبىلىم جانە عىلىم ۆيتسە-ءمينيسترى شولپان كارينوۆانىڭ ايتۋىنشا, ساباقتار جوسپار بويىنشا باستالادى.
«بۇل جاعداي ورىن العاننان كەيىن, ءمينيستردىڭ تاپسىرماسى بويىنشا بالالاردىڭ قۇقىقتارىن قورعاۋ كوميتەتىنىڭ وكىلدەرى وقيعا ورنىنا باردى. وكىلىمىز جارىلىستان زارداپ شەككە بەس اۋىلدا بولدى. ول بالالاردىڭ بارلىق اتا-انالارىمەن جانە بالالاردىڭ وزدەرىمەن كەزدەستى. بالالاردىڭ جاعدايى تۇراقتى, ولاردىڭ قاۋىپسىزدىگى, تۇرۋى, تاماقتانۋى ءۇشىن جاعدايلار جاسالعان. وقىتۋعا كەلەتىن بولساق, بۇل ەلدى مەكەندەردە مەكتەپتەر دە تەكسەرىلۋدە. ءتيىستى تەحنيكالىق اۋديت جۇرگىزىلەتىن بولادى. ازىرگە جەرگىلىكتى اتقارۋشى ورگاندار, ءتيىستى قۇرىلىمدار, سونىڭ ىشىندە ءبىزدىڭ كوميتەت ۆيزۋالدى تەكسەرۋ جۇرگىزدى. مەكتەپتەر كۇردەلى سالىمداردى قاجەت ەتەدى. بىراق كەيبىر شەشىمدەر اۋديت جۇرگىزىلگەننەن كەيىن قابىلدانادى. ارينە, وسى ەلدى مەكەندەردە تۇراتىن بالالارعا ارنالعان ءبىلىم بەرۋ ۇيىمدارىنداعى وقۋ پروتسەسى توقتاتىلمايدى. وقۋ جىلى مىندەتتى تۇردە باستالادى جانە ءتيىستى شارالار قورىتىندى جاسالعاننان كەيىن قابىلدانادى», دەدى ۆەدومستۆو وكىلى.
