قر بعم بالالاردىڭ قۇقىقتارىن قورعاۋ كوميتەتىنە كەلىپ تۇسكەن اقپاراتقا سايكەس, جامبىل وبلىسى, بايزاق اۋدانىندا زارداپ شەككەندەر اراسىندا بالالار جوق. جەرگىلىكتى اتقارۋشى ورگانداردىڭ قىزمەتكەرلەرى جاقىن ماڭداعى ەلدى مەكەندەردەن تاراز قالاسىنا, سونداي-اق بايزاق اۋدانىنىڭ سارىكەمەر جانە كەڭەس اۋىلدارىنا 83 بالانى ەۆاكۋاتسيالادى.
«قر ءبىلىم جانە عىلىم ءمينيسترى اسحات ايماعامبەتوۆتىڭ تاپسىرماسى بويىنشا تۇندە وقيعا ورنىنا بالالاردىڭ قۇقىعىن قورعاۋ كوميتەتىنىڭ توراعاسى ە.ن.يمانعاليەۆ باردى. ەۆاكۋاتسيالانعان بالالارعا قاجەتتى جاعدايلار جاسالدى, ولار ىستىق تاماقپەن جانە ءدارى-دارمەكپەن قامتاماسىز ەتىلدى», دەپ جازىلعان مالىمدەمەدە.
ەۆاكۋاتسيالانعان بالالارعا قولداۋ كورسەتۋ ءۇشىن قر بعم اتا-انالارعا بالالارىن «بالداۋرەن» رەسپۋبليكالىق وقۋ-ساۋىقتىرۋ ورتالىعىنا جىبەرۋ ۇسىنىلدى.
«ايتا كەتەيىك, بالالارعا جەدەل كومەك كورسەتۋدى ۇيىمداستىرۋ ءۇشىن قر بعم شۇعىل تۇردە تاۋلىك بويى جۇمىس ىستەيتىن جەدەل جەلىلەردىڭ جۇمىسىن ۇيىمداستىردى. ول ءۇشىن «Bala gorqau» تەلەگرامم-چاتىنا نەمەسە 87025642168, 87012100238, 87172742528 نومىرلەرىنە حابارلاسۋعا بولادى», دەپ جازادى ۆەدومستۆو.
