اقمولا وبلىسىنىڭ پوليتسەيلەرى ادامنىڭ جوعالۋىنا قاتىسى بار اتباسار قالاسىنىڭ ەكى تۇرعىنىن ۇستادى.
«قىلمىسكەرلەردىڭ قۇربانى – 33 جاستاعى جەرگىلىكتى تۇرعىن. ول 25 تامىزدا ساعات 04.00-دە اتباسار اۋداندىق اۋرۋحاناسىنا جابىق باس سۇيەك-مي جاراقاتىمەن جانە باس ميىنىڭ شايقالۋىمەن ءتۇستى. سول ءتۇنى قىلمىسكەرلەر جابىرلەنۋشىنى جابىق گاراجدا ۇستاپ, دەنە جاراقاتىن تيگىزگەنى الدىن-الا انىقتالدى. تەرگەۋ شارالارى بارىسىندا بارلىعى جەكە دۇشپاندىققا بايلانىستى بولعانى انىقتالدى», دەلىنگەن حابارلامادا.
اتباسار اپب كريمينالدىق پوليتسيا ءبولىمىنىڭ قىزمەتكەرلەرى قاسكۇنەمدەردى ء«ىزىن سۋىتپاي» ۇستادى. كۇدىكتىلەر - اتباساردىڭ ەكى تۇرعىنى, بۇرىن بوپسالاۋ مەن ۇرلىق جاساپ سوتتى بولعان.
اتالعان دەرەككە بايلانىستى قر قك-ءنىڭ 125-بابىنىڭ 2-بولىگى «ادامدى ۇرلاۋ» بويىنشا سوتقا دەيىنگى ءىس جۇرگىزۋ باستالدى. كۇدىكتىلەر ۋاقىتشا ۇستاۋ يزولياتورىنا قامالىپ, تەرگەۋ امالدارى جۇرگىزىلۋدە.
