ءبىلىم • 26 تامىز، 2021

اسحات ايماعامبەتوۆ اۋىل مەكتەبىنە باردى

83 رەت كورسەتىلدى

بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ءوزىنىڭ Facebook پاراقشاسىندا جازدى، دەپ حابارلايدى Egemen.kz.

«زەلەنىي بور اۋىلدىق مەكتەبىندە 500-دەن استام وقۋشى ءبىلىم الادى. ءبىرىنشى كەزەكتە، پەداگوگ-ارىپتەستەرىممەن اڭگىمەلەستىم. بيىلعى وقۋ فورماتى تۋرالى اڭگىمە بارىسىندا مۇعالىمدەر ءداستۇرلى وفلاين فورماتىن قولدايتىندىقتارىن اتاپ ءوتتى. بالالار مەكتەپكە ورالعان كەزدە پەداگوگتەر ەڭ الدىمەن ءبىلىم بەرۋ دياگنوستيكاسىن جۇرگىزۋ، وقۋ باعدارلامالارىن بەيىمدەۋ جانە بىلىمدەگى ولقىلىقتاردى قالپىنا كەلتىرۋ بويىنشا شارالار قابىلداۋدى جوسپارلاپ وتىر.

سونداي-اق ارىپتەستەرىمنىڭ وقۋلىق، باعالاۋ جۇيەسى، تسيفرلىق پلاتفورمالار جانە ءبىلىم بەرۋ جۇيەسىنە ەنگىزىلىپ جاتقان جاڭاشىلدىقتار تۋرالى پىكىرلەرىن تىڭدادىم. مۇعالىمدەردىڭ 45 مينۋتتىق ساباققا قايتا ورالۋىمىزدى وڭ باعالاعانى قۋانتادى.

پەداگوگتەرگە ەڭبەكاقى تولەۋ ماسەلەسى دە ماڭىزدى. بيولوگيا ءپانىنىڭ مۇعالىمى 430 مىڭ تەڭگەدەن استام ەڭبەكاقى الاتىنىن، سونداي-اق پەداگوگ مارتەبەسىن ارتتىرۋ جونىندەگى شارالاردىڭ تيىمدىلىگىن بايقاپ وتىرعانىن تىلگە تيەك ەتتى.

ءوڭىردىڭ ءبىلىم باسقارماسىنىڭ باسشىسىنا بيىلعى وقۋ ۇدەرىسىن ۇيىمداستىرۋ، بالالاردىڭ قاۋىپسىزدىگىن قامتاماسىز ەتۋ، سانيتارلىق تالاپتارعا، ينفراقۇرىلىمعا قاتىستى ماسەلەلەرگە نازار اۋدارۋ قاجەت ەكەندىگىن ايتىپ جەتكىزدىم.

بالالاردى تاسىمالداۋ ماسەلەسى دە ماڭىزدى بولىپ قالادى. بۇعان دەيىن ءبىز وقۋشىلاردى تاسىمالداۋ تۋرالى تالاپتارعا وزگەرىستەر ەنگىزدىك. كولىك ساپا ماسەلەسىنەن بولەك، قاۋىپسىزدىك بەلدىكتەرىمەن، بالالاردى سالوندا قالدىرۋدى بولدىرماۋ جۇيەسىمەن جابدىقتالۋى كەرەك. سونداي-اق مەكتەپ اۆتوبۋستارىندا بالالاردى ارنايى قىزمەتكەر ەرتىپ ءجۇرۋى ءتيىس»، دەپ جازدى مينيستر.

سونىمەن قاتار اسحات ايماعامبەتوۆ ءبىلىم بەرۋ سالاسى ءۇشىن كادرلار دايارلايتىن ەكى كوللەدج – كوكشەتاۋ پەداگوگيكالىق كوللەدجى مەن ششۋچينسك قالاسىنداعى جوعارى پەداگوگيكالىق كوللەدجدىڭ جۇمىسىمەن تانىستى. بۇل كوللەدجدەردە بارلىعى ەكى مىڭعا جۋىق ستۋدەنت ءبىلىم الادى.

«قىزمەتكەرلەرمەن كەزدەسىپ، ماماندار دايارلاۋ بارىسىنداعى پروبلەمالىق ماسەلەلەردى تالقىلادىق. سونداي-اق ستۋدەنتتەرمەن اڭگىمەلەستىك. ءبىلىم الۋشىلاردىڭ باسىم بولىگى وقۋىن اياقتاعاننان كەيىن پەداگوگيكالىق ماماندىق بويىنشا جوعارى وقۋ ورىندارىنا ءتۇسۋدى جوسپارلاپ وتىر.

1

ش. ءۋاليحانوۆ اتىنداعى كوكشەتاۋ ۋنيۆەرسيتەتىنە دە باردىم. ۇلتتىق بىلىكتىلىك تەستىلەۋىنىڭ قورىتىندىسى بويىنشا اتالعان جوعارى وقۋ ورنىنىڭ تۇلەكتەرى ەلىمىز بويىنشا 4-ءشى ورىندا، بۇل – جاقسى كورسەتكىش. جوعارى وقۋ ورنىنىڭ وقىتۋشىلارى وقىتۋ پروتسەسىن جاقسارتۋ بويىنشا ءوز ۇسىنىستارىن ءبىلدىردى. وقىتۋشىلاردىڭ سۇراقتارىنا جاۋاپ بەرە وتىرىپ، وڭىرلىك ۋنيۆەرسيتەت ءۇشىن ەڭ باستىسى الەمدىك رەيتينگتەرگە قاتىسۋ ەمەس، سۇرانىسقا سايكەس بولىپ، ءوڭىردى ساپالى كادرلارمەن قامتاماسىز ەتۋ الدەقايدا ماڭىزدىراق ەكەنىن ەرەكشە اتاپ ءوتتىم. بەلسەندى ستۋدەنتتەردىڭ سۇراقتارىنا دا جاۋاپ بەردىم. ءوز كەزەگىندە ستۋدەنتتەر ءداستۇرلى وقىتۋ فورماتىنا ورالۋ تۋرالى جاڭالىقتى قۋانا قارسى العاندارىن ايتىپ جەتكىزدى»، دەپ جازدى مينيستر.

سوڭعى جاڭالىقتار

16 تامىزعا ارنالعان ۆاليۋتا باعامى

ەكونوميكا • بۇگىن، 09:47

1453 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:06

جىگىتتەرمەن كۇش سىناسقان ارۋ

ۇلتتىق سپورت • بۇگىن، 08:43

قىتايدان قالىپ قويدىق

سپورت • بۇگىن، 08:42

تابىستارى – 2 117 000 دوللار

سپورت • بۇگىن، 08:40

وليمپيادادان كەيىنگى ويلار

سپورت • بۇگىن، 08:35

جارىس قىزعان شاعىنا جەتتى

سپورت • بۇگىن، 08:34

تەحنوپارك تەگىن وقىتادى

قوعام • بۇگىن، 08:32

«تالگوداعى» تالان-تاراج

قوعام • بۇگىن، 08:25

شالعايداعىلار شاعىم ايتادى

ءبىلىم • بۇگىن، 08:22

جاڭا مەكتەپتەر كوبەيەدى

ءبىلىم • بۇگىن، 08:20

ۇقساس جاڭالىقتار