ايماقتار • 26 تامىز، 2021

پاۆلوداردا مۇناي ۇرلاعاندار ۇستالدى

29 رەت كورسەتىلدى

پاۆلوداردا مۇناي ونىمدەرىن تاسىمالداۋمەن اينالىسقان ەكى تۇرعىن ۇستالدى، دەپ حابارلايدى Egemen.kz.

Polisia.kz مالىمەتى بويىنشا، «قۇقىقتىق ءتارتىپ» جەدەل الدىن الۋ ءىس-شاراسىن وتكىزۋ بارىسىندا كريمينالدىق پوليتسيا باسقارماسىنىڭ قىزمەتكەرلەرى جانار-جاعارماي ماتەريالدارىن جىمقىردى دەگەن كۇدىكپەن توپتاعى ادامداردىڭ قىلمىستىق ارەكەتىنىڭ جولىن كەستى.

«جوعارىدا اتالعان ادامدار پاۆلودار قالاسىنىڭ اۆتوجانارماي قۇيۋ ستانتسيالارىنا مۇناي ونىمدەرىن تاسىمالداۋمەن اينالىساتىن پاۆلودار قالاسىنىڭ ءبىر ۇيىمىنىڭ قىزمەتكەرلەرى بولىپ شىقتى. كۇدىكتىلەر الدىن الا دايىندالعان سىزبا بويىنشا، سونىڭ ىشىندە تاسىمالداناتىن وتىندى جەتكىزۋ جانە قۇيۋمەن اينالىسقان»، دەپ حابارلادى پاۆلودار وبلىسى پوليتسيا دەپارتامەنتىنىڭ باستىعى نۇرلان ءماسىموۆ.

پوليتسيا جەدەل-ىزدەستىرۋ شارالارىنىڭ ناتيجەسىندە قىلمىس جاسادى دەگەن كۇدىكپەن 50 جانە 47 جاستاعى ەكى پاۆلودارلىقتى ۇستادى. الدىن الا كەلتىرىلگەن شىعىن شامامەن 17 ميلليون تەڭگەنى قۇرادى. اتالعان فاكتى بويىنشا قازاقستان رەسپۋبليكاسى قك-ءنىڭ 189-بابى 4-تارماعىنىڭ 2-ءبولىمى بويىنشا سوتقا دەيىنگى تەرگەۋ باستالدى.

 

 

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار