نۇرلان نىعماتۋلين بۇل ارىپتەستىك كەزدەسۋدىڭ تاريحي ماڭىزى تەرەڭ دەپ اتاپ ءوتتى.
شۆەيتساريا فەدەرالدىق جينالىسى ۇلتتىق كەڭەسىنىڭ توراعاسى اندرەاس ەبي ءوز كەزەگىندە قازاقستاننىڭ دامۋ قارقىنىن جوعارى باعالاپ, ەلىمىزدىڭ ورتالىق ازيادا جەتەكشى ورىن الاتىنىن باسا ايتتى. سونداي-اق قازاقستان پارلامەنتىنىڭ دەموكراتيالىق بالانستى ساقتاپ, ونى دامىتۋداعى ماڭىزىن ەرەكشە باعالادى.
«قازاقستان دەموكراتيالىق ماسەلەدە ۇلكەن جەتىستىككە جەتكەنىن اتاپ وتكىم كەلەدى. بۇل ءسىزدىڭ ەلدەگى ەكونوميكالىق پروگرەسس سياقتى ماڭىزدى وزگەرىس دەپ ويلايمىن», دەدى اندرەاس ەبي.
ءماجىلىس توراعاسى پارلامەنتارالىق ءوزارا ارەكەتتەستىكتى نىعايتۋ ماقساتىندا شۆەيتساريالىق ارىپتەسىنە ىنتىماقتاستىق توپتارى دەڭگەيىندە تۇراقتى بايلانىسىپ, زاڭ شىعارۋ تاجىريبەسىمەن الماسۋ جونىندەگى مامانداندىرىلعان كوميتەت قۇرۋدى ۇسىندى.
نۇرلان نىعماتۋلين اۋعانستانداعى جاعدايدى ايتا كەلە, حالىقارالىق پارلامەنتتىك قوعامداستىق اۋعانستانداعى ۇلتتىق تاتۋلاسۋ ۇدەرىسىن ىلگەرىلەتۋ قاجەت دەگەن پىكىر ءبىلدىردى.
