اڭشىلاردىڭ كوبى اڭعا قارۋمەن شىعادى. سوندىقتان ءار اڭشى اڭ اۋلاۋداعى جانە اڭشىلىق قارۋدى ۇستاۋداعى قاۋىپسىزدىك تەحنيكاسى جونىندەگى ەرەجەلەردى بىلۋگە, مۇلتىكسىز ساقتاۋعا مىندەتتى. ەرەجە ساقتاۋ ونىڭ جەكە قاۋىپسىزدىگىنىڭ كەپىلى عانا ەمەس, سونىمەن قاتار باسقا ازاماتتاردىڭ قاۋىپسىزدىگىنىڭ كەپىلى ەكەنىن ۇمىتپاۋى كەرەك.
اڭشىلىق قارۋ مەن وق-دارىلەرى بوگدە ادامداردىڭ, اسىرەسە بالالاردىڭ كىرۋىنە جانە پايدالانۋىنا جول بەرمەيتىن جاعدايلاردا بولشەكتەلگەن تۇردە ساقتالۋى ءتيىس.
ەلدى مەكەندەردە, سونداي-اق ولارعا تىكەلەي جاقىن جەردە وق اتۋعا جانە وقتالعان قارۋمەن جۇرۋگە تىيىم سالىنادى. قارۋ وقتالماعان بولسا دا, ادامدارعا, ءۇي جانۋارلارىنا كەزەنۋگە بولمايدى. جانىڭىزداعى اڭشىعا وقتالعان مىلتىقتى بەرۋگە بولمايدى.
كولىكتە الىپ جۇرسەڭىز, قارۋ قاپتا نەمەسە بولشەكتەلگەن بولۋى ءتيىس. ەلدى مەكەنگە, ايالداۋ ورنىنا, كولىككە جاقىنداعان كەزدە مىلتىقتى مىندەتتى تۇردە تەكسەرىپ, وقسىز ەكەنىنە كوز جەتكىزۋ كەرەك.
اڭشىلىقتا سىبدىر ەتكەن جاققا, بەلگىسىز نىسانعا اتۋعا تىيىم سالىنادى. ورماندى جەردە سىزدەن باسقا دا ادامدار ءجۇرۋى مۇمكىن ەكەنىن ەستەن شىعارماڭىز.
ەگەر, قانداي دا ءبىر ەرەجە بۇزىلسا, زاڭ الدىندا جاۋاپ بەرەتىنىڭىزدى ۇمىتپاۋ كەرەك.
