اقمولا وبلىسىنىڭ جالتىركول كەنتىندەگى تۇرعىن ءۇيدى ءتىنتۋ بارىسىندا مال قورادان سالماعى 19 كيلوگرامنان اساتىن «ماريحۋانا» ەسىرتكى زاتى سالىنعان پوليەتيلەن پاكەتى تابىلدى.
ەلوردالىق دەپارتامەنتتىڭ پوليتسەيلەرى حابارلاعانداي, ۇستالعان ادام تاركىلەنگەن ەسىرتكىنى ەلوردا اۋماعىندا وتكىزۋگە نيەتتەنگەن. جۇرگىزىلگەن ارنايى وپەراتسيا ناتيجەسىندە زاڭسىز اينالىمنان 19,3 كيلوگرامم ەسىرتكى تاركىلەندى.
قىلمىستىق ءىستى تەرگەۋ شەڭبەرىندە استانا اۋماعىندا ەسىرتكى جەتكىزۋگە جانە وتكىزۋگە قاتىسى بار قىلمىستىق تىزبەكتىڭ باسقا دا سىبايلاستارىن انىقتاۋ بويىنشا جەدەل-ىزدەستىرۋ ءىس-شارالارى جۇرگىزىلۋدە.
اتالعان فاكتى بويىنشا قىلمىستىق ءىس قوزعالىپ, تەرگەۋ امالدارى جۇرگىزىلىپ جاتىر.
