ءىس-شارا بىرىككەن ۇلتتار ۇيىمىنىڭ ازىق-ت ۇلىك جانە اۋىل شارۋاشىلىعى جانە دۇنيەجۇزىلىك جانۋارلار دەنساۋلىعى ۇيىمىنىڭ قولداۋىمەن, باتىس ەۋرازيا ءوڭىرى ءۇشىن اۋسىل بويىنشا ەپيدەميولوگيالىق جانە زەرتحانالىق جەلىلەرىنىڭ وتىرىسى اياسىندا ۇيىمداستىرىلدى.
جيىنعا اۋعانستان, ارمەنيا, ءازىربايجان, گرۋزيا, يران, قىرعىزستان, پاكىستان, تاجىكستان, تۇركيا, تۇرىكمەنستان جانە وزبەكستان ەلدەرىنىڭ اۋسىلمەن كۇرەس جۇرگىزەتىن زەرتحانالىق جانە ەپيدەميولوگيالىق ماسەلەلەر بويىنشا باس ۆەتەريناريالىق ينسپەكتورلار جانە تاعايىندالعان ۇلتتىق ۇيلەستىرۋشىلەر, سونداي-اق, ازىق-ت ۇلىك جانە اۋىل شارۋاشىلىعى ۇيىمى, دۇنيەجۇزىلىك جانۋارلار دەنساۋلىعى ۇيىمىنىڭ وكىلدەرى مەن رەفەرەنتتىك زەرتحانالاردىڭ وكىلدەرى قاتىستى.
اتالعان كەڭەس اياسىندا اشم ۆەتەرينارلىق باقىلاۋ جانە قاداعالاۋ كوميتەتى توراعاسىنىڭ ورىنباسارى گ.نۇرتازينا باتىس ەۋرازيانىڭ اۋسىل بويىنشا جول كارتاسىنىڭ قورىتىندىلارى مەن وڭىرلىك باسىمدىقتارى تاقىرىبىندا بايانداما جاسادى.
باياندامادا اۋسىلدى پروگرەسسيۆتى باقىلاۋ ماقساتىنداعى ەۋرازيالىق ەلدەر اراسىنداعى وڭىرلىك ءوزارا كووپەراتسيا اۋرۋدىڭ 2025 جىلعا قاراي كلينيكالىق كورىنىسىنەن ەركىندىككە اكەلەتىنى جانە بۇل ەكونوميكالىق دامۋعا جانە كەدەيلىك دەڭگەيىن تومەندەتۋگە ىقپال ەتەتىنى اتاپ ءوتىلدى.
كەڭەس قورىتىندىسى بويىنشا اۋسىلمەن كۇرەس بويىنشا نەگىزگى باسىمدىقتار ايقىندالدى, سونداي-اق باتىس ەۋرازياداعى اۋسىلدى باقىلاۋ بويىنشا جول كارتاسىنا سايكەس قولايسىز ەلدەر ءۇشىن ءال-اۋقات مارتەبەسىن الۋ بويىنشا ودان ءارى قادامدار ايقىندالدى.
اۋسىل اۋرۋى ەڭ تانىمال جۇقپالى ۆيرۋستىق اۋرۋلاردىڭ قاتارىنا جاتادى جانە ەكونوميكالىق, الەۋمەتتىك جانە ەكولوگيالىق اپاتتىق سالدارعا اكەلۋى مۇمكىن.
