بۇل تۋرالى شىمكەنت قالاسىنىڭ اكىمى مۇرات ايتەنوۆ ۇكىمەت وتىرىسىندا مالىمدەدى.
«ساناقتىڭ ءبىرىنشى كەزەڭىندە 29 نۇسقاۋشى-باقىلاۋشى مەن 198 ينتەرۆيۋتەر 1,5 ايعا تارتىلىپ, ەلدى مەكەندەردى ارالاپ, ءۇي-جايلاردىڭ ءتىزىمىن جاساقتادى. ساناقتىڭ ءبىرىنشى كەزەڭىنىڭ قورىتىندىسى بويىنشا شىمكەنت قالاسىنىڭ حالىق سانى 1 002 720 ادامدى قۇرادى. بيىلعى 1 ماۋسىمداعى مالىمەتتەرگە سايكەس 90 464 ادامعا جەتپەدى. بۇل جاز ايىنداعى دەمالىسقا بايلانىستى بولىپ وتىر» دەدى ول.
ايتەنوۆ ايتقانداي, ساناقتىڭ ەكىنشى كەزەڭىنە دايىندىق جۇرگىزىلىپ جاتىر.
«ساناق پەرسونالدارىن ءۇي-جايلارىمەن قامتاماسىز ەتۋ بويىنشا 155 نۇسقاۋشى-ۋچاسكە بەلگىلەنىپ, ولار جيھاز بەن قۇرال-سايمانمەن جابدىقتالدى. قالا اۋماعىندا اقپاراتتىق پاراقشالار تاراتىلدى. حالىق ساناعىنىڭ ەكىنشى كەزەڭىن وتكىزۋ جۇمىستارىنا شىمكەنت قالاسى تولىق دايىن», دەدى ول.
وسىعان دەيىن پرەمەر-ءمينيستردىڭ ءبىرىنشى ورىنباسارى ءاليحان سمايىلوۆ حالىق ساناعىنا تيىستى دەڭگەيدە دايىندالماي وتىرعان وڭىرلەردى اتاعان ەدى. ونىڭ ىشىندە شىمكەنت قالاسى دا بولدى.
