كەزدەسۋدە اكىم سپورتشىنىڭ جەتىستىكتەرىن جوعارى باعالاپ, ول تەك جامبىل وبلىسىنىڭ عانا ەمەس, ەلىمىزدىڭ نامىسىن ابىرويلى قورعاپ, مەرەيىن تاسىتىپ جۇرگەنىن ايرىقشا اتاپ ءوتتى. «جامبىل جەرىنەن شىققان سپورت ساڭلاقتارى از ەمەس. سولاردىڭ ءبىرى ەلدوس سمەتوۆ دەپ بىلەمىز. سەنىڭ جەتىستىگىڭ, سپورتتاعى تابىستارىڭ – بۇگىنگى جاس بۋىنعا ۇلگى-ونەگە. سەن ءوزىڭنىڭ مىقتى سپورتشى ەكەنىڭدى تاعى دا دالەلدەي ءتۇستىڭ. بارشا جانكۇيەرلەردىڭ ءۇمىتىن اقتادىڭ», دەدى ول.
سونىمەن قاتار بەردىبەك ساپارباەۆ جامبىلدىقتاردىڭ اتىنان ەلدوس سمەتوۆكە جاڭا اۆتوكولىكتىڭ كىلتىن تاپسىرىپ, الداعى ۋاقىتتا دا ەل سپورتىن دامىتۋ جولىنداعى ەلەۋلى ەڭبەگىنە ساتتىلىك تىلەدى. ال سپورتشىنىڭ جاتتىقتىرۋشىسى عالىمجان جىلگەلديەۆكە 1 ميلليون تەڭگەنىڭ سەرتيفيكاتىن تابىس ەتتى. كەزدەسۋ سوڭىندا ەلدوس سمەتوۆ وزىنە قۇرمەت كورسەتكەن وبلىس باسشىلىعىنا جانە جەرلەستەرىنە العىسىن جەتكىزدى.
جامبىل وبلىسى
