مىسالى, بيىل ءبىلىم بەرۋ سالاسىنا 182 ملرد تەڭگە بولىنگەن. بۇل وبلىستىڭ جالپى بيۋدجەتىنىڭ 40%-ىن قۇرايدى. بۇل تۋرالى ونلاين رەجىمدە وتكەن تامىز ءماسليحاتىندا قاراعاندى وبلىستىق ءبىلىم باسقارماسىنىڭ باسشىسى گۇلسىم قوجاحمەتوۆا مالىمدەدى.
8 مەكتەپ سالىنىپ جاتىر
قازىرگى تاڭدا قاراعاندى, جەزقازعان, ساران قالالارىندا, جاڭاارقا جانە شەت اۋداندارىندا ءتورت مەكتەپ جانە ءتورت جاپسارلاس قوسىمشا قۇرىلىس, جەزقازعان مەن ساتباەۆ قالالارىندا ەكى بالاباقشا, سونداي-اق ساتباەۆتا وقۋشىلار سارايىنىڭ قۇرىلىسى جۇرگىزىلۋدە. وبلىس باسشىلىعىنىڭ مالىمدەۋىنشە, جىل سوڭىنا دەيىن سەگىز نىساندى ىسكە قوسۋ جوسپارلانعان. بۇدان بولەك, الدىمىزداعى 1 قىركۇيەكتە وبلىس ورتالىعىندا جاڭا وقۋشىلار سارايى ايقارا ەسىك اشادى.
جاڭا وقۋ جىلىنا قاراي 164 ءبىلىم بەرۋ نىسانىندا جوندەۋ جۇمىستارىنىڭ جۇرگىزىلگەنىن ايتا كەتكەن ءلازىم. بالالاردىڭ قاۋىپسىزدىگىن قامتاماسىز ەتۋ بويىنشا ۇلكەن جۇمىس اتقارىلدى: بارلىق وقۋ ورنىندا دابىل تۇيمەلەرى مەن داۋىستىق ەسكەرتۋ جۇيەلەرى ورناتىلعان. مەكتەپتەردىڭ جارتىسىنان كوبى تۋرنيكەتتەرمەن جابدىقتالعان, سونداي-اق ول جەرلەردە ارنايى كۇزەت كەزەكشىلىك ەتەدى. قاڭتار ايىنانباستاپ بارلىق بەينەباقىلاۋ جۇيەسىن جاڭارتۋ باستالادى. ال بالاباقشالاردا اتا-انالار مەكتەپكە دەيىنگى تاربيە ساپاسىن باعالايتىن جاڭا ۇلگى ەنگىزىلمەكشى.
كوللەدجدەردىڭ الەۋەتى كۇشەيتىلەدى
بيىل قاراعاندى وبلىسىنىڭ كوللەدجدەرىندە 10 جاڭا ماماندىق اشىلادى. ايتا كەتەتىن ءبىر جايت, «ميكروەلەكترونيكا جانە ءموبيلدى قۇرىلعىلار» جانە «اقپاراتتىق قاۋىپسىزدىك» ماماندىقتارى بويىنشا دايارلىق قاراعاندى وبلىسىندا عانا جۇرگىزىلەدى.ەسەسىنە, سۇرانىسى تومەن ماماندىقتار سانى قىسقارادى. ينتەگراتسيالانعان مودۋلدىك ءبىلىم بەرۋ باعدارلامالارىن ەنگىزۋ ارقىلى ستۋدەنتتەر بىردەن-ءبىر ماماندىقتىڭ ورنىنا بىرنەشە بىلىكتىلىك الادى. كوللەدجدەردە ەڭبەك نارىعىن تالداۋعا نەگىزدەلگەن SKILLS-ID باعدارلاماسى ەنگىزىلە باستادى.
وبلىستىڭ باس مۇعالىمى دۋالدى وقىتۋدى دامىتۋ بويىنشا جۇمىستاردىڭ جالعاساتىنىن ايتادى. مىسالى, قازىردىڭ وزىندە 360 كاسىپورىنمەن ىنتىماقتاستىق ورناتىلعان.
سونىمەن قاتار ول بيىل تۇلەكتەردىڭ قورىتىندى اتتەستاتتاۋى العاش رەت WorldSkills ستاندارتتارىن ەسكەرە وتىرىپ, كادرلاردى دايارلاۋ ساپاسىن باعالاۋدىڭ جاڭا قۇرالى – دەمونستراتسيالىق ەمتيحاندى قولدانۋ ارقىلى وتكىزىلگەنىن اتاپ ءوتتى. اتالعان فورماتتاعى ەمتيحانداردان 13 كوللەدج بازاسىندا 630 ستۋدەنت وتكەن. SkillsPassport العان تۇلەكتەر جاس مامانداردىڭ مالىمەتتەر بازاسىنا ەنگىزىلدى, وعان قىزمەتكەرلەردى ىزدەۋ جانە ىرىكتەۋ ءۇشىن جەتەكشى كاسىپورىنداردىڭ جۇمىس بەرۋشىلەرى قول جەتكىزە الادى.
ءوڭىر كوللەدجدەرى حالىقارالىق كومپانيالارمەن دە ىنتىماقتاستىق ورناتقان. رەسەيلىك «تاتنەفت» كومپانياسىمەن بىرلەسىپ ساران كوپسالالى كوللەدجىنىڭ بازاسىندا «شينالار ءوندىرىسى» جاڭا ماماندىعى«پوكرىشكالاردى قۇراستىرۋشى-قالىپتاۋشى», «اۆتوكامەرالىق اگرەگات ءماشينيسى», «پرەستەۋشى-ۆۋلكانيزاتورشى», «تەحنيك-تەحنولوگ» بىلىكتىلىگى بويىنشا قۇرىلادى.
ينكليۋزيۆتى ءبىلىم –ىزگىلىكتى قادام
قاراعاندى وبلىسىندا ەرەكشە بالالارعا قاجەتتى جاعداي جاساعان مەكتەپتەر سانى جىل سايىن ارتىپ كەلەدى. مىسالى, ولاردىڭ قاتارى وتكەن وقۋ جىلىندا 343-تەن 370-كە دەيىن ءوستى. جالپى, وڭىردە ينكليۋزيۆتى ءبىلىم بەرۋمەن قامتۋ 73%-دىقۇرايدى.
گ.قوجاحمەتوۆا پسيحولوگيالىق-پەداگوگيكالىق سۇيەمەلدەۋ قىزمەتىنە پەداگوگ-اسسيستەنتتەردىڭ 59 شتاتتىق بىرلىگى ەنگىزىلگەنىن اتاپ ءوتتى. اۋتيستىك سپەكتردىڭ جانە مەنتالدىق, مىنەز-ق ۇلىقتىق اۋىتقۋلارى بار بالالاردىڭ سانى ۇنەمى ءوسىپ كەلە جاتقانى ەسكەرىلىپ, سوڭعى ەكى جىلدا وبلىستىڭ 8 مەكتەبىندە ينكليۋزيانى قولداۋ كابينەتتەرى اشىلعان.
بيىل مەملەكەتتىك الەۋمەتتىك تاپسىرىس اياسىندا 207 پەداگوگ قولدانبالى مىنەز-ق ۇلىق تالداۋى بويىنشا وقۋدان وتەدى. بۇل قوسىمشا 500-دەن اسا بالانى ءبىلىم بەرۋ قىزمەتتەرىمەن قامتۋعا مۇمكىندىك بەرەدى. جالپى, ينكليۋزيۆتى تاجىريبە بويىنشا وقىتۋدان وتكەن پەداگوگتەردىڭ ۇلەسى 32%-دان 60%-عا دەيىن وسكەن.
قىركۇيەك ايىنان باستاپ تەمىرتاۋدا 60 ورىندىق وڭالتۋ ورتالىعى جۇمىس ىستەي باستايدى. بۇدان بولەك جىل سوڭىنا دەيىن وبلىس ورتالىعىندا تاعى ءبىر پسيحولوگيالىق-مەديتسينالىق-پەداگوگيكالىق كەڭەس جانە قاراعاندى مەن ساتباەۆ قالالارىندا ەكى تۇزەتۋ كابينەتىن اشۋ جوسپارلانعان.
ال وبلىس باسشىلىعى جاڭا وقۋ جىلىندا بالاباقشالارمەن بوبەكجايلاردى, ۇيىرمەلەر مەن سەكتسيالاردى قولجەتىمدى ەتۋ, ينكليۋزيۆتى وقىتۋدى دامىتۋ سىندى مىندەتتەردى قويىپ وتىر.
قاراعاندى وبلىسى
