Stopfake.kz جازۋىنشا, كيبەرقىلمىسكەرلەر مۇنداي حابارلامالاردى شوتتار مەن بانك شوتتارىنا قول جەتكىزۋ ءۇشىن پايدالانادى.
مەسسەندجەرلەردە تاراعان اقپاراتتاعى سىلتەمە سايتقا اپارادى. پايدالانۋشىنىڭ سەنىم تۋدىرۋ ءۇشىن پاراقشادا مەملەكەتتىك رامىزدەر قولدانىلعان. سايتقا كىرۋشى 4 سۇراققا جاۋاپ بەرىپ, اقشالاي سىيلىق قوراپشاسىن تاڭداۋى كەرەك. سودان كەيىن 50 مىڭ بونۋس بەرىلگەنى تۋرالى حابارلانادى, ال ونى الۋ ءۇشىن قولدانۋشى حابارلامانى بەس توپتا نەمەسە باسقا 20 اداممەن ءبولىسۋ قاجەت. الاياقتار فەيكتى وسىلاي تاراتادى.
ەڭبەك جانە حالىقتى الەۋمەتتىك قورعاۋ مينيسترلىگى ۆەدومستۆونىڭ مۇنداي ساۋالنامالارعا ەشقانداي قاتىسى جوق ەكەنىن ەسكەرتەدى.
«ەڭبەكمينى مەسسەندجەرلەر مەن الەۋمەتتىك جەلىلەر ارقىلى ازاماتتار اراسىندا ەشقانداي ساۋالناما جۇرگىزبەيدى. ازاماتتارعا مۇنداي حابارلامالاردى زيانكەستەر اككاۋنتتار مەن بانكتىك شوتتاردى يەمدەنۋ ءۇشىن پايدالانۋى مۇمكىن ەكەنىن ەسكەرتەمىز. الاياقتىقتىڭ قۇربانى بولماس ءۇشىن كۇماندى سىلتەمەلەر بويىنشا وتپەۋلەرىڭىزدى جانە وندا جەكە دەرەكتەرىڭىزدى قالدىرماۋىڭىزدى سۇرايمىز», دەلىنگەن ۆەدومستۆو حابارلاماسىندا.
